హైదరాబాద్, నవంబర్ 23: ప్రధాని మోదీ ఉదాత్త ఆశయాలతో పనిచేస్తున్నారని, కాంగ్రెస్ పార్టీ అరవై ఏళ్లలో సాధించలేనిది, బిజెపి సాధిస్తోందని, తాజాగా వచ్చిన ఎన్నికల్లో కాంగ్రెస్ అడ్రస్ గల్లంతైందని బిజెపి రాష్ట్ర అధ్యక్షుడు లక్ష్మణ్ పేర్కొన్నారు. ఓట్ల రద్దు తర్వాత జరిగిన ఎన్నికల్లో బిజెపి గెలిచిందంటే ప్రజల మద్దతు ఏ తీరున ఉందో అర్థం అవుతోందని పేర్కొన్నారు.

నిజామాబాద్, నవంబర్ 23: పెద్ద నోట్ల రద్దుతో తెరపైకి వచ్చిన కరెన్సీ కష్టాల గురించి వాస్తవాలను తెలుసుకునేందుకు వీలుగా కేంద్ర ప్రభుత్వం ఏర్పాటు చేసిన ప్రత్యేక బృందాలు బుధవారం క్షేత్ర స్థాయిలో పర్యటించి పరిశీలన జరిపాయి.

ఆదిలాబాద్, నవంబర్ 23: ఉమ్మడి ఆదిలాబాద్ జిల్లాలో పేరుకుపోతున్న విద్యుత్ బకాయిలు ట్రాన్స్‌కోకు గుదిబండగా మారాయి. వివిధ కేటగిరిల కింద విద్యుత్ చార్జీలను వసూలు చేసేందుకు ట్రాన్స్‌కో సిబ్బంది పల్లెలు, పట్టణాల్లో ప్రత్యేక కౌంటర్లు ఏర్పాటు చేసినా వినియోగదారుల నుండి స్పందన కరువైంది. రద్దయిన నోట్లను బిల్లుల రూపంలో చెల్లించేందుకు వినియోగదారులకు అవకాశం కల్పించినా ఫలితం కనిపించలేదు.

హైదరాబాద్, నవంబర్ 23: తెలంగాణలో ప్రభుత్వ జూనియర్ కాలేజీలకు పూర్వవైభవాన్ని తీసుకురావాలని ఉప ముఖ్యమంత్రి కడియం శ్రీహరి కోరారు. ప్రభుత్వ జూనియర్ కాలేజీల ప్రిన్సిపాల్స్ వర్కుషాప్‌ను ప్రారంభించిన ఉప ముఖ్యమంత్రి ఈ సందర్భంగా మాట్లాడుతూ ముఖ్యమంత్రి ఆలోచనలకు అనుగుణంగా ప్రిన్సిపాల్స్ ఆలోచించాలని అన్నారు. అన్ని సౌకర్యాలు ప్రభుత్వం కల్పిస్తోంది కనుక ఫలితాల్లో మార్పు రావాలని ఆయన చెప్పారు.