హైదరాబాద్, నవంబర్ 27: తెలంగాణలో 15/2015 నోటిఫికేషన్ ద్వారా ఆర్ధిక శాఖ అకౌంట్స్ శాఖలో అసిస్టెంట్ల నియామకానికి ఈ నెల 29వ తేదీన ఆబ్జెక్టివ్ పద్ధతిలో కంప్యూటర్ ఆన్ లైన్ ఒఎంఆర్ ఆధారితంగా ఎంపిక పరీక్ష నిర్వహించనున్నట్టు తెలంగాణ పబ్లిక్ సర్వీసు కమిషన్ కార్యదర్శి పార్వతి సుబ్రమణియన్ తెలిపారు. ఈ పరీక్ష నిర్వహణకు 84 కేంద్రాలు ఏర్పాటు చేశామని, 55,239 మందికి హాల్‌టిక్కెట్లు జారీ చేశామని చెప్పారు.

హైదరాబాద్, నవంబర్ 27: మెట్రో రైలు అలైన్‌మెంట్ మార్పు అంశం మళ్లీ తెరపైకొచ్చింది. ముందు కుదుర్చుకున్న ఒప్పందం మేరకే అలైన్‌మెంట్ ఉంటుందితప్ప, ఎలాంటి మార్పూ ఉండబోదని మెట్రోరైలు నిర్మాణ కాంట్రాక్టు సంస్థ ఎల్ అండ్ టి, మెట్రోరైలు ఎండి విబి గాడ్గిల్ తాజాగా చేసిన ప్రకటన ప్రభుత్వానికి తలనొప్పిగా మారింది.

హైదరాబాద్, నవంబర్ 27: రాష్టవ్య్రాప్తంగా త్వరలో భూముల రీ సర్వే చేపట్టనున్నట్టు భూపరిపాలన శాఖ ప్రధాన కమిషనర్ రేమండ్ పీటర్ వెల్లడించారు. రాష్ట్రంలో చేపట్టనున్న భూముల రీ సర్వేకు కేంద్ర ప్రభుత్వం రూ.275 కోట్లు మంజూరు చేసిందన్నారు. సెంటర్ ఫర్ ల్యాండ్ యూస్ మేనేజిమెంట్ ఆధ్వర్యంలో శుక్రవారం నుంచి రెండు రోజులపాటు జరుగనున్న ‘జాతీయ భూ సర్వే విధానం- రికార్డుల ఆధునీకరణ’ సదస్సులో రేమండ్ పీటర్ మాట్లాడారు.

హన్మకొండ : వరంగల్ జిల్లా హన్మకొండలో పోలీసులు విస్తత్ర తనిఖీలు చేశారు. ఈ తనిఖీల్లో బస్డాండ్‌లో పేలుడు పదార్థాలను గుర్తించి స్వాధీనం చేసుకున్నారు. ఓ వ్యక్తి సంచిలో పేలుడు పదార్థాలు ఉంచి పరారయ్యాడు. ఆ వ్యక్తి కోసం పోలీసులు గాలిస్తున్నారు.