S ,7 à 8 RSCA (si SASPAS) et 6 cialis pharmacie cialis rapports de stage.

సాహితి

03/14/2016 - 04:58

బాల సాహిత్యం అనగానే పంచతంత్ర కథలు, పేదరాసి పెద్దమ్మ కథలు, ఈసపు కథలు, చందమామ కథలు గుర్తురావడం సహజం. మారుతున్న కాలంతో బాటు మనము మారుతున్నట్టే పిల్లలు కూడా మారుతున్నారు. కాలం బాటే వేగం అందుకుని అవకాశాలను అందిపుచ్చుకుంటూ ముందుకు దూసుకుపోతున్నారు. పూర్వకాలంలో సమష్టి కుటుంబాలు ఉండేవి. ఎక్కువమంది సంతానం ఉండేవారు. అప్పట్లో అందరికీ విద్య, ఆహారం, వసతులు కల్పించడం కష్టమయ్యేది అమ్మానాన్నలకు.

03/06/2016 - 21:58

గూడు విడిచిన
పిల్లపిట్టల్ని ఎడబాసి
మోడువారిన
ఎడారి మొఖాల్ని తడిమే
చల్లని చూపుల
చలువ పందిళ్ళై అల్లుకుంటరు

కటిక చీకటి
వాకిట్లో పూసిన
పున్నమి చెట్టుమీద
ఎన్నీలై వాలిపోతరు

నిర్వేదపు అంచుల్ని
పటాపంచలు చేసి
ఆరిపోయిన పెదాలమీద
అనుబంధాల
తేనె బిందువుల్ని వొలికిస్తరు

03/06/2016 - 21:57

కరచాలనాల కాలమా ఇది?
హస్త లాఘవాల కాలం కదా!
కాని, కేకుని చాకుతో కోసినంత తేలిగ్గా
కాలానికి ఎదురీదే వాళ్లు
ఉంటూనే ఉంటారు మన మధ్యే
అలాంటివాడే అతను
పేరేదైతేనేం
మనిషిగా పిల్చుకోవచ్చు
కారిడార్లోనో, క్యాంటీన్లోనో, సెక్షన్లోనో
నవ్వుల కరచాలనమై ఎదురొస్తాడు
చేతులు కలిపి మనలోకి అనురాగ ప్రసారం కావిస్తాడు
అతని కరచాలనం మరేం కాదు

03/06/2016 - 21:56

యిప్పుడు నాకేం పనిలేదు
ఆ ఉయ్యాల చుట్టూ పరిభ్రమించడం తప్ప
ఏడుస్తే ఎత్తుకోవడం
నవ్విస్తూ ఆడుకోవడం

దగ్గరగా కనబడితే
నడుము నాట్యం చేస్తుంది
చేతుల్లో ఎన్ని భంగిమలో!
ముట్టుకుంటే... గలగలా నవ్వుల కేరింతలు
దూరంగా జరిగితే
ఏడుపుల రాద్ధాంతాలు

03/06/2016 - 21:55

మగత నిద్ర ముసుగులో
మనసు పొరల్లో
చిరకాల స్వప్నాలు
బొమ్మకట్టుకుంటున్నాయి

మెల్లగా
నానుంచి నేను
అదృశ్యమైనట్టు భ్రమ
మనిషిని కదా...
ఆవేదనతో
ఆరాటంతో, అనే్వషణలో
మళ్ళీ నన్ను నేను
కలుసుకునేందుకు
నలుదిశలా పరుగుతీస్తున్నాను
నాలుగురోడ్ల కూడలిలో
హఠాత్తుగా
నా ముందు మల్లిరేకు వంటి మనిషి...!

03/06/2016 - 21:54

అయ్యదేవర పురుషోత్తమరావు హడావుడి మనిషి. నిరంతరం సాహిత్య కార్యక్రమాలో, నాటక సప్తాహాలో, పుస్తకావిష్కరణలో నిర్వహించాలని అతడి తాపత్రయం. ఇలాంటివి ఏర్పాట్లు చేయకపోతే ఆయనకు సంతృప్తిగా ఉండదు. ఒకసారి ఏమి ఉత్సాహం కలిగిందో డా.కె.ఎల్.రావుగారిని పెద్దఎత్తున సత్కరించాలని అతడు సంరంభించాడు. కార్యనిర్వహణ దక్షుడే. అందుకు సందేహం లేదు.

03/06/2016 - 21:53

ప్రస్తుత సమాజ స్థితిగతులలో, తెలుగు నాట పుస్తక పఠనం దిగజారిపోవటానికి, మాతృభాష పట్ల ఆదరణ తగ్గటానికి రచయితలు, కవులు బాధ్యులనటంలో సందేహం లేదు. 10వ తరగతి లేదా ఇంటర్మీడియట్ స్థాయి విద్యార్థి ఎవ్వరైనా ఒకవేళ ఉత్సాహంగా కాలక్షేపం కోసం ఏదైనా నవల చదవాలని ప్రయత్నిస్తే ప్రస్తుత రచయిత ఫలానా పుస్తకం చదవమనటం లేదా చదివించటానికి ఆస్కారం లేదు.

02/28/2016 - 18:33

పద్యనిర్మాణ వాస్తు శిల్పం ప్రారబ్ధవశాత్తు అప్రయోజకుల పాలబడ్డది. కవితాగుణం కొరవడ్డ పదప్రోతంలోకి శబ్దాలు అక్షరాలు ప్రవేశపెట్టబడ్డాయి. రూప విన్యాస వైఖరికి ఆస్వాదమయ్యాయి. దానికి తగ్గట్టు ఏవేవో కొత్త కొత్త పేర్లు తగిలించుకున్నాయి. అలానే అఘోరిస్తున్నాయి. ‘్ఛందస్సుల అశ్వహృదయం’ తెలియకుండానే కనీసం అందులో ప్రాథమిక పరిజ్ఞానమనే అర్హత కూడా లేకుండానే పితృపాదుడౌతున్నాడు.

02/28/2016 - 18:32

ఆ రోడ్డున
పూల వర్షం కురిసింది!
బహుశా -
ఎవరో నేలతల్లిని చేరుకునేందుకు
ప్రయాణం కట్టినట్లున్నాడు!?

మొన్న కల్సినవాడిని
అభిమానంగా పలకరిద్దామని
బయలుదేరాను!
చిత్రం!
ఆ ఇంట్లో ఫొటోలోకి చేరి దండై వేలాడుతూ
వెక్కిరించాడు!!

కొన్ని కరచలనాలు నీడలై
చాలాసార్లు జ్ఞాపకాల ముద్రవేసుకొని
వెంటాడుతూంటాయి!

Pages