జగములో జన్మమే చిక్కు నాటకము

మాయవి జీవితమే మహర్నాటకము
తోయజాక్షుడు నడుపు తనరు నాటకము

అమ్మ, నాన్నల తోటి ఆరంభమై యిది,
తమ్ము, డన్న, యక్క, చెల్లితో గూడి
కమ్మని అనుబంధ, ఆప్యాయతలతో
కమ్ముకొన్న ఘన ప్రేమ నాటకము

గురువులతో గూడి గాఢమై పెరిగి
మీరి మిత్రులతో మధురమై పోయి,
పెరిగి కొలువులలో పల్లవించి ఎదిగి
వర్థిల్లు వింతగ విశ్వనాటకము

ఆలోచనలను
ఎంతసేపు తిరగేస్తున్నా
కొత్త అంశమేదీ తళుకొత్తటం లేదు
నల్లని మబ్బులను
ఎంతసేపు జల్లెడ పట్టినా
ఒక్క మెరుపు తునక
కంటికి చిక్కటం లేదు.
ఇది సృష్టి లోపమా?
లేక అంతర్ద్రష్టి లోపమా?
లోపాలున్నప్పుడు గుణాలుంటాయి
చీకట్లున్నప్పుడు వెలుగులుంటాయి
మానవుడు
ఆవిర్భవించినప్పటి నుంచి
ప్రకృతి
ప్రభవించినప్పటి నుంచి

-పెరుగు రామకృష్ణ

9849230443
ఒక ఉషోదయం
పురాతన గుడి దీపం ముందు ప్రవేశించా
ధ్వజస్తంభం సాన్నిహిత్యంగా
నేలమీంచి ఆకాశానికి విస్తరిస్తున్న వెలుగు చూసి
మనసు జోడించి ప్రార్థించాను
నా చుట్టూ దీప వలయం...
కాంతితోపాటూ... నన్నూ
ఓ దివ్య మార్గంలోకి నడిపింది...

మా ఊరి చెరువు ఒక
వానాకాలం గంగాళం
శీతాకాలపు తామరపూల తటాకం
ఎండ వేడికి తల్లడిల్లిన
జంతుజాలము - విహంగాలకు
చల్లని గుండెతో స్వాగతించి
సేదతీర్చిన ‘అమ్మ ఒడి’
మా ఊరి చెరువు
పిల్లకాలువల పులకరింతలు
నీటిమడుగున సేదతీరిన
పాడిపంటల సోయగాలు
మా ఊరిచెరువు
శ్రమైక జీవుల చేతబట్టిన
రంగుల చీరల చెరువుగట్టు
ఆరవేతలు...