విశాఖపట్నం, నవంబర్ 8: వస్తుతయారీ రంగంలోనే విస్తృత ఉపాధి అవకాశాలున్నాయని, పారిశ్రామికాభివృద్ధి ద్వారానే అది సాధ్యమని కేంద్ర ప్రభుత్వ ఆర్థిక సలహాదారు ఎస్‌ఎస్‌భండారే అభిప్రాయపడ్డారు. విశాఖ - చెన్నై పారిశ్రామిక కారిడార్‌పై ఫోరం ఆఫ్ ఫ్రీ ఎంటర్‌ప్రైస్, గీతం గీతం యూనివర్శిటీ సంయుక్తంగా విశాఖలో మంగళవారం జరిగిన సదస్సులో ఆయన పాల్గొన్నారు.

కడప, నవంబర్ 8: రాష్టవ్య్రాప్తంగా 1400 ప్రభుత్వాసుపత్రుల్లో ఎన్‌టిఆర్ వైద్యసేవలు అందిస్తున్నామని వైద్యఆరోగ్యశాఖ మంత్రి కామినేని శ్రీనివాస్ తెలిపారు. వైద్యులు, సిబ్బంది రోగులకు అందుబాటులో ఉండాలని అన్నారు. ప్రైవేట్ వైద్యంపై మోజుతో ప్రభుత్వ వైద్యంపై అలసత్వం వహించే వైద్యులు, సిబ్బందిపై కఠినచర్యలు తప్పవని అన్నారు.

విశాఖపట్నం, నవంబర్ 8: ఆంధ్రా ఒడిశా సరిహద్దు (ఎఓబి) బెజ్జంగిలో జరిగిన ఎన్‌కౌంటర్‌లో నిస్సహాయ స్థితిలో ఉన్న మావోయిస్టులను పోలీసులు కాల్చి చంపారని కోఆర్డినేషన్ ఆఫ్ డెమెక్రాటిక్ రైట్స్ ఆర్గనైజేషన్ (సిడిఆర్‌ఓ) నిజనిర్ధారణ కమిటీ తేల్చింది. దేశ వ్యాప్తంగా 20 రాష్ట్రాలకు చెందిన ప్రజా సంఘాల కూటమి ప్రతినిధులు మూడు రోజుల పాటు ఎన్‌కౌంటర్ జరిగిన అటవీ ప్రాంతంలో పర్యటించి వాస్తవాలను సేకరించారు.

విజయవాడ, నవంబర్ 8: దేశంలో చలామణిలో ఉన్న 500, 1000 రూపాయల నోట్లను రద్దు చేస్తూ మోదీ తీసుకున్న నిర్ణయం చారిత్రాత్మకమైనదని ముఖ్యమంత్రి చంద్రబాబు అన్నారు. ఈ నిర్ణయం వల్ల ఆర్థిక వ్యవస్థ బలపడుతుందని, పారదర్శకత పెరుగుతుందన్నారు. నల్లధనాన్ని నియంత్రించేందుకు వీలవుతుందన్న అభిప్రాయాన్ని వ్యక్తం చేశారు. స్వాతంత్య్రానంతరం దేశంలో తీసుకున్న చారిత్రక నిర్ణయంగా మిగిలిపోతుందని అభివర్ణించారు.