రాజమహేంద్రవరం, నవంబర్ 8: చారిత్రక నగరం రాజమహేంద్రవరం రూపురేఖలు మరికొద్ది కాలంలో మారిపోనుంది. తూర్పు గోదావరి జిల్లాలో చెన్నై-కోల్‌కతా 16వ నెంబర్ జాతీయ రహదారిపై ఐదు ఫ్లైఓవర్ల నిర్మాణానికి కేంద్రం అనుమతించింది. అందులో రాజమహేంద్రవరం వద్ద నాలుగు నిర్మించనున్నారు. ఆరు లేన్ల వెడల్పున ఈ వంతెనలు జాతీయ రహదారులకు అనుసంధానంగా నిర్మించనున్నారు.

అమరావతి, నవంబర్ 8: పేరుకేమో విద్యుత్ సరఫరాలో నెంబర్ వన్. మనది మిగులు విద్యుత్ ఉన్న రాష్ట్రం. ఆ మేరకు చేసుకునే ప్రచారానికి కొదవలేదు. వాల్‌పోస్టర్లు, టీవీ ప్రచారాలకు తక్కువ లేదు. ప్రచారానికి పెట్టింది పేరైన ఈ శాఖ సచివాలయయానికి మాత్రం నిరంతర విద్యుత్ సరఫరా చేయడంలో చేతులెత్తేసింది. ముఖ్యమంత్రి సహా మంత్రులు, ఉన్నతాధికారులు కొలువుదీరే సచివాలయంలో మాత్రం నిరంతర కోతలే.

విశాఖపట్నం, నవంబర్ 8: కోల్‌కతా పోర్టు పూడికతీత పనులను విశాఖ కేంద్రంగా పనిచేస్తున్న డ్రెడ్జింగ్ కార్పొరేషన్ ఆఫ్ ఇండియా (డిసిఐ) దక్కించుకుంది. చానల్స్ నిర్వహణ నిమిత్తం రూ.1119 కోట్ల విలువైన పనులను గ్లోబల్ కాంపిటేటివ్ బిడ్డింగ్ ద్వారా డిసిఐ దక్కించుకోవడం విశేషం. గత మూడు దశాబ్ధాలుగా ఈ పనులను డిసిఐ నామినేషన్ విధానంలో చేపడుతోంది.

భీమునిపట్నం, నవంబర్ 8: అదాయానికి మించి ఆస్తులు సంపాదించి హైదరాబాద్‌లో సోమవారం ఎసిబికి చిక్కిన భీమిలి సబ్ రిజిస్ట్రార్ బిల్ల సంజీవయ్యను ఎసిబి అదికారులు ఇక్కడి సబ్ రిజిస్ట్రార్ కార్యాలయంలో మంగళవారం అరెస్ట్ చేశారు. ఎసిబి డిఎస్పీ, సిఐ (సెంట్రల్ ఇనె్వస్టిగేషన్ టీం) దర్యాప్తు అధికారి ఎస్‌విఎస్ ప్రసాదరావువిలేఖరుల సమావేశంలో ఈ విషయాన్ని నిర్ధారించారు.