హైదరాబాద్, అక్టోబర్ 3: అరకొర వసతుల మధ్య అంత అర్జంటుగా అమరావతికి పరుగులు తీయాల్సిన అవసరం ఏముందని వైఎస్సార్ కాంగ్రెస్ పార్టీ అధికార ప్రతినిధి అంబటి రాంబాబు ప్రశ్నించారు. సచివాలయాన్ని అమరావతికి తరలించడానికి తాము వ్యతిరేకం కాదనీ, అయితే పూర్తి వసతులు లేకుండా తరలించాల్సిన అవసరం ఏముందని ఆయన ప్రశ్నించారు.

హైదరాబాద్, అక్టోబర్ 3: పాక్ పప్పులు ఇక ఉడకవని కేంద్ర కార్మిక, ఉపాధి కల్పనా శాఖ మంత్రి బండారు దత్తాత్రేయ హెచ్చరించారు. ఉరీపై పాక్ ఉగ్రవాదులు దాడి చేయడంతో మన దేశ సైన్యం సరైన గుణపాఠం చెప్పిందని చెప్పారు. 1926 నుంచి కార్మికుల కోసం ఉన్న 44 చట్టాలను సరళీకృతం చేసి 4 సంపుటాలుగా చేయబోతున్నామని అన్నారు. దీంతో యాజమాన్యాలకు, కార్మికులకూ ఉపయోగపడుతుందని ఆయన తెలిపారు.

గుంటూరు, సెప్టెంబర్ 2: ఆంధ్రప్రదేశ్ కొత్త సచివాలయంలో సోమవారం నుంచి విధులు ప్రారంభం కానున్నాయి. సరిగ్గా 7 నెలల 26 రోజుల్లో ఐదు బ్లాకుల నిర్మాణం పూర్తయింది. ఇందులో సిఎం, సిఎస్‌ల కోసం నిర్దేశించిన ఒకటో బ్లాక్‌లో అంతర్గతంగా డిజైన్లలో మార్పులు జరిగాయి. దీంతో సిఎం కార్యాలయానికి మరికొంత వ్యవధి పడుతుందని అధికారులు చెప్తున్నారు.

రాజమహేంద్రవరం, అక్టోబర్ 2: ఆంధ్రప్రదేశ్‌లో రూ.1101 కోట్లతో షెడ్యూల్డు కులాల అభివృద్ధికి కార్యాచరణ ప్రణాళిక అమలు చేస్తున్నామని, అదనంగా మరో రూ.220 కోట్లు ఎస్సీల అభివృద్ధి, సంక్షేమ కార్యక్రమాలకు కేటాయించామని రాష్ట్ర ఎస్సీ కార్పొరేషన్ చైర్మన్ జూపూడి ప్రభాకరరావు చెప్పారు. తూర్పు గోదావరి జిల్లా రాజమహేంద్రవరంలో ఆదివారం ఆయన విలేఖర్లతో మాట్లాడారు.