న్యూఢిల్లీ, మార్చి 2: ఎన్టీపీసీ, పీఎఫ్‌సీ, పవర్ గ్రిడ్‌ల నుంచి కేంద్ర ప్రభుత్వం వ్యూహాత్మక పెట్టుబడుల ఉపసంహరణల పేరిట తన వాటాను 51 శాతం కంటే దిగువకు తగ్గించుకోవాలన్న ఆలోచనపై ఇంధన మంత్రిత్వ శాఖ ఆందోళన వ్యక్తం చేస్తోంది. ఇప్పటికే ఈ ప్రతిపాదనకు సంబంధించి ఆర్థిక మంత్రిత్వ శాఖకు తమ అభ్యంతరాలను తెలియజేశామని ఇంధన కార్యదర్శి ఎన్‌ఎస్ సహాయ్ సోమవారంనాడు ఇక్కడ తెలిపారు.

ముంబయి, మార్చి 2: వరుసగా ఏడో రోజు కూడా కరోనా వైరస్ భారత స్టాక్ మార్కెట్లను కుదేలు చేసింది. తాజాగా మరో రెండు కేసులు బయటపడిన నేపథ్యంలో చివరి గంట లావాదేవీల్లో మార్కెట్ భారీగా నష్టపోయింది. ఫలితంగా 153 పాయింట్లను కోల్పోయిన సెన్సెక్స్ 38,144.02 వద్ద ముగిసింది. సోమవారం ఆశాజనకంగా మొదలైన లావాదేవీలు చివరి గంటలోనే నష్టాలకు దారితీశాయి. ఆర్థిక, ఉక్కు, ఎఫ్‌ఎంసీజీ కంపెనీల షేర్లు నష్టాలను చవిచూశాయి.

విశాఖపట్నం, మార్చి 1: అత్యధికంగా సరకు లోడింగ్ సాధించిన ఈస్ట్‌కోస్ట్‌రైల్వే వాల్తేర్ డివిజన్ తొలిసారిగా రికార్డుకెక్కింది. ఒకేరోజు ఏకంగా 72 గూడ్స్ రైళ్ల ద్వారా అత్యధిక లోడింగ్‌ను సాధించింది. భారతీయ రైల్వేలోనే మరే జోన్‌లో లేనివిధంగా వాల్తేర్ డివిజన్ పరిధిలోనే ఫిబ్రవరి 29వతేదీ ఒక్కరోజులోనే 72గూడ్స్ రైళ్లు (రేక్స్) 3782వ్యాగన్ల ద్వారా సరకు లోడింగ్‌ను నిర్వహించింది.

కరీంనగర్, మార్చి 1: కరోనా ఎఫెక్ట్ యావత్ ప్రపంచంతో పాటు కరీంనగర్‌పై పడింది. కరోనా దెబ్బకు ఆర్థికవ్యవస్థ అతలాకుతలమవుతోంది. కరీంనగర్‌కు రావాల్సిన 120 కోట్ల లావాదేవీలు కరోనా ప్రభావంతో నిలిచిపోయాయి. ప్రతి నెలా చైనాకు రూ.100 కోట్ల విలువైన గ్రానైట్ బ్లాక్‌లను కరీంనగర్ నుంచే ఎగుమతి చేసే వ్యాపారులు ఈ వైరస్ ప్రభావంతో వ్యాపారం ఆగిందని ఆందోళన పడుతున్నారు.