తాము అధికారంలోకి వస్తే ఉమ్మడి పౌర శిక్షాస్మృతి (కామన్ సివిల్ కోడ్)ను అమలు చేస్తామని బీజేపీ ప్రభుత్వం ఎన్నికల ప్రణాళికలో పేర్కొని 303 సీట్లు తెచ్చుకుంది. 2019 ఎన్నికల్లో ఊహించని విధంగా మెజారిటీ సీట్లతో అధికారంలోకి వచ్చిన బీజేపీ ఎన్నికల ప్రణాళికలో ఇచ్చిన హామీని నిలబెట్టుకునేందుకు కసరత్తు చేయాలి. 2014 నుంచి అధికారంలో ఉన్నా, ఇంతవరకు ఈ దిశగా బీజేపీ ఎటువంటి ప్రయత్నం చేసినట్లు కనపడడం లేదు.

గత సంవత్సరం (2018) పోతూ పోతూ కాంగ్రెస్ పార్టీలో కాసింత, కాదు.. కాదు.. బోలెడు సంతోషాన్ని నింపి వెళ్ళింది. ఐసీయూలోని పేషెంట్ లేచి వస్తే అయిన వాళ్ళకు ఎలాంటి ఆనందం కలుగుతుందో, అదిగో అలాంటి ఆనందం హస్తం పార్టీకి అనుభవంలోకి వచ్చింది. అంతవరకు వరస ఓటములతో కుదేలైపోయిన పార్టీ, 2018 చివర్లో జరిగిన మూడు రాష్ట్రాల అసెంబ్లీ ఎన్నికలలో విజయం సాధించి, ఊపిరి తీసుకుంది. ఆశలు పెంచుకుంది.

ఎంతమంది స్వాతంత్య్రవీరులు తమ ప్రాణాలను బలిపెట్టి ఈ దేశానికి విముక్తి కల్పించారో, వాళ్లంతా ఈ రోజు ఇలాంటి వారికోసమా ‘మేం పోరాటం’ చేసిందని వీరస్వర్గంలో తప్పక బాధపడుతుంటారు. ప్రపంచంలో ఏ దేశంలోనూ మెజారిటీ ప్రజలు ‘తమను సమానంగా చూడమని’ అర్థించడం చూడడం సాధ్యం కాదు. ఇపుడు ముస్లింలీగ్ మళ్లీ పురుడు పోసుకుందా అన్నట్లుగా దేశంలో ఆందోళనలు మొదలుపెట్టారు.

భారత రాజ్యాంగం రూపొందించిన విధానంలోనే భారతీయుల ఔన్నత్యాన్ని, విశిష్టతనూ కాపాడే ప్రయత్నం జరిగింది. రాజ్యాంగంలో తొలి విభాగాల్లో పౌరసత్వం, ప్రాథమిక హక్కులు, స్వేచ్ఛ, మత స్వేచ్ఛ, ఆదేశిక సూత్రాలు, ప్రాథమిక బాధ్యతలను రాజ్యాంగ నిర్మాతలు నిర్వచించారు. ఆ తర్వాతనే కేంద్రప్రభుత్వం, మంత్రిమండలి, పార్లమెంటు, శాసనాలను ఆమోదించడం, రాష్టప్రతి శాసనసంబంధ అధికారాలు పేర్కొన్నారు.