తూర్పు తెల తెలవారగానే పక్షులన్నీ గూళ్ల నుంచి మేతకై పరుగులిడుతున్నాయి. గోపబామలందరూ తమ పశువులు బీళ్లపైకి మేత కోసం పంపుతున్నారు. మేమూ ఇక తెల్లవారబోతున్నదని ఆ నందగోపబాలుని కీర్తించడానికి బయలుదేరాము.అపుడే నీవు గుర్తు వచ్చి నిన్ను పిలవడానికి నీ వాకిట నుంచున్నాం.
నీవు కూడా మాతో కలసి రమ్ము. చాణూరముష్టికలను వధించినవానిని, కేశిన చంపిన వానిని మనలను కాపాడుమని ప్రార్థించడానికి వెళ్లుతున్నాం.

తే.గీ. ఎవరెవరి కన్న ఁదీసిపోరెవ్వరైన
వారలంతటి వారలు వారె గాద
యొకరు తక్కువగాదు వేరొకరుఁజాడ
నెక్వునవాదు కనుగొన నిది నిజమ్ము
చూడుమో కర్మసాక్షి యో సూర్యదేవ

భావం: ఎవరెవరికన్నా ఏమాత్రం తీసిపోరు. ఎవరంతటివారువారు. ఒకరు తక్కువా కాదు. వేరొకరు ఎక్కువా కాదు. ఆలోచిస్తే ఇది అక్షరసత్యం అని కర్మసాక్షివైన ఓసూర్యదేవా! ఈలోకానికి తెలియజెప్పుమయ్యా దివాకరా!

కీచు కీచుమనే శబ్దాలతో భరద్వాజ పక్షులన్నీ కూడా బాలభానుడికి సుప్రభాతం పలుకుతున్నాయి. తూర్పు తెల్లవారబోతుంటే కూడా ఇంకా నిద్ర లేవని నిన్ను పిచ్చిపిల్లా! అని సంబోధించాలనిపిస్తోంది. తలలోని పూవులు జారిపోతున్నాయి. గోపకాంతలందరూ లేచి పెరుగును చిలుకుతున్నారు. మనమూ వెళ్లి ఆ నందగోపుని అర్చిద్దాం రమ్మని ఆండాళ్ తల్లి పిలుస్తోంది.

తిరుప్పావై మూలానికి తెలుగు
- ఆసూరి మరింగంటి శేషగిరిచార్య
9886976760
*
1. పక్షులెన్నొ శ్రావ్యముగా
పలు భంగుల కూయుచుండె;
ఖగపతియును కోవెలలో
మంగళాలు పాడదొడగె

2. ఆలయ అర్చకులంతట
అర్చనాది విధులొనర్ప;
జేగంటలు గుడియందున
జయనాదములొనరించెను