మైలవరం, డిసెంబర్ 2: జాతీయ కాలుష్య నియంత్రణ దినోత్సవాన్ని శుక్రవారం స్థానిక ప్రభుత్వ డిగ్రీ కళాశాలలో ఘనంగా నిర్వహించారు. ఈసందర్భంగా జరిగిన కార్యక్రమంలో ప్రిన్సిపాల్ కె ప్రమీల మాట్లాడుతూ ప్లాస్టిక్ పెన్నులు, కవర్లు వాడకం వల్ల పర్యావరణానికి పెను ప్రమాదం వస్తుందన్నారు. అదేవిధంగా ప్రతి చిన్నపనికీ వాహనాల వాడకం వల్ల పర్యావరణం కలుషితమవుతుందన్నారు. కాలుష్య నివారణకు చెట్ల పెంపకం మేలన్నారు.

విజయవాడ, డిసెంబర్ 2: గ్యాస్ అథారిటీ ఆఫ్ ఇండియా(గెయిల్) ఎల్‌పిజి పైపులైన్ సంరక్షణ అందరి కర్తవ్యం, బాధ్యత అని జిల్లా కలెక్టర్ బాబు.ఎ అన్నారు. భవానీపురం హరితాబెరం పార్కులో శుక్రవారం గ్యాస్ అథారిటీ ఆఫ్ ఇండియా ఆధ్వర్యంలో ఎల్‌పిజి గ్యాస్ పైప్‌లైన్ భద్రత, సంరక్షణపై జిల్లా అధికారులకు సదస్సు నిర్వహించారు.

విజయవాడ, డిసెంబర్ 2: జిల్లాలోని అన్ని రైతు బజార్లలో పాస్ మిషన్లు (పాయింట్ ఆఫ్ సేల్)ద్వారా నగదు రహిత లావాదేవీలు నిర్వహించాలని జిల్లా జాయింట్ కలెక్టర్ గంథం చంద్రుడు అధికారులను ఆదేశించారు. శుక్రవారం జాయింట్ కలెక్టర్ గంథం చంద్రుడు నగరంలోని ఆయన క్యాంపు కార్యాలయ సమావేశ మందిరంలో మార్కెటింగ్, రైతు బజారుల ఎస్టేట్ ఆఫీసర్లతో ప్రత్యేక సమావేశాన్ని నిర్వహించారు.

విజయవాడ, డిసెంబర్ 2: నగదు రహిత లావాదేవీలను చౌకధరల దుకాణాల్లో సక్రమంగా నిర్వహించి ప్రజలను ప్రోత్సహించాలని జిల్లా జాయింట్ కలెక్టర్ గంధం చంద్రుడు అన్నారు. శుక్రవారం జాయింట్ కలెక్టర్ గంధం చంద్రుడు లబ్బిపేటలోని బాడవపేట, 237 చౌకధర దుకాణం, పటమట రైతుబజారులలో నగదు రహిత చెల్లింపులను క్షేత్రస్థాయిలో పరిశీలించారు.