మచిలీపట్నం, ఏప్రిల్ 15: బందరు మండలం ఉల్లిపాలెం గ్రామంలోని శ్రీ హేమకోదండ రామాలయం ట్రస్టు బోర్డు వివాదం నేపథ్యంలో శుక్రవారం పోలీసుల పహారాలో సీతారాములకు రెండు విడతలుగా కళ్యాణాలు జరిగాయి. గ్రామానికి చెందిన ఉల్లి విజయ భాస్కరరావు సదరు రామాలయం తమ వంశీయులదంటూ ఇటీవల ట్రస్టు బోర్డు ఏర్పాటు చేయగా గత రెండు రోజుల క్రితం దీన్ని గ్రామస్థులంతా తీవ్రంగా వ్యతిరేకించిన సంగతి తెలిసిందే.

పటమట, ఏప్రిల్ 15: శ్రీరామనవమి పర్వదినం పురస్కరించుకొని శుక్రవారం పటమటలోని వాడవాడల సీతారాముల కళ్యాణం వైభవంగా నిర్వహించారు. 2వ డివిజన్ రామచంద్రనగర్‌లో జరిగిన సీతారాముల కళ్యాణ కార్యక్రమానికి హాజరైన గద్దె, ఎమ్మార్ రాజా అందజేసిన 100 చీరలను పేదలకు పంపిణీ చేశారు.

విజయవాడ (క్రైం), ఏప్రిల్ 15: గతంలో రౌడీయిజం చెలాయించిన వారు ఆతర్వాత రాజకీయ అవతారమెత్తేవారు. కాని ఇప్పుడు రౌడీషీటర్లకు రాజకీయ పార్టీల అండదండలు పుష్కలంగా అందుతున్నాయి. ఇందుకు ఏ ఒక్క రాజకీయ పార్టీకి మినహాయింపు లేదు. అధికార పక్షమైనా.. ప్రతిపక్ష పార్టీ అయినా ఆయా పార్టీలో ఉండే కొంతమంది కీలక నాయకుల కనుసన్నల్లో ఈ కరుడుగట్టిన రౌడీషీటర్లు హల్‌ఛల్ చేయడం నగరంలో పరిపాటిగా మారిపోయింది.

పాతబస్తీ, ఏప్రిల్ 15: పూర్వకాలంలో బెజవాడ.. ప్రస్తుత విజయవాడ రానురాను అమరావతి రాజధానిలో భాగమైంది. నాడు విజయవాడ పక్కనే కృష్ణా అనే జీవనది ఉండేది చరిత్ర ఆధారాల ప్రకారం ఆ జీవనది సాగునీటికి, మంచినీటికి ఆధారమైయ్యేది. రానున్నకాలంలో ఇలాంటి చరిత్ర చదువుకోవాల్సిన పరిస్థితి రానుందా అని భయపడేంతగా కృష్ణానది నీటిమట్టం దిగజారింది. కనీస నీటి మట్టానికి ఆరడుగులు పడిపోయింది.