జమ్మూ: జమ్మూకాశ్మీర్‌లో అధికారం చేపట్టేందుకు పీపుల్స్ డెమోక్రటిక్ పార్టీని చీల్చాలని ప్రయత్నిస్తే తీవ్ర పరిణామాలను ఎదుర్కోవాల్సి ఉంటుందని ఆ పార్టీ నేత, మాజీ ముఖ్యమంత్రి మెహబూబా ముఫ్తీ బీజేపీని పరోక్షంగా హెచ్చరించారు. ప్రస్తుతం రాష్ట్రంలో గవర్నర్ పాలన నడుస్తోంది. పలువురు పీడీపీ నేతలు బిజేపీని కలుస్తున్నట్లు వార్తలు వస్తున్న నేపథ్యంలో ఈ హెచ్చరికలు జారీ చేశారు.

న్యూఢిల్లీ, జూలై 12: బంగ్లాదేశ్ ప్రభుత్వ ఒత్తిళ్లకు లొంగిపోయే భారత్ తన వీసా తిరస్కరించిందని బ్రిటన్ లార్డ్స్ సభ్యుడు అలెగ్జాండర్ కార్లిలే ఆరోపించారు. జైలుశిక్ష అనుభవిస్తున్న బంగ్లాదేశ్ మాజీ ప్రధాని ఖలీదా జియాకు అలెగ్జాండర్ న్యాయసలహాదారుగా ఉన్నారు. కేసుకు సంబంధించి వివరాలు ఇక్కడ మీడియాకు వెల్లడించేందుకు బుధవారం రాత్రి ఆయన ఢిల్లీ వచ్చారు. అయితే ఆయనను అధికారులు విమానాశ్రయంలోనే నిలిపివేశాలు.

పూణే, జూలై 12: హిందూ ఆధ్యాత్మిక గురువు, సాధు వస్వానీ మిషన్ అధిపతి దాదా జేపీ వస్వానీ గురువారం కన్నుమూశారు. ఆయన వయస్సు 99 ఏళ్లు. వయోభారంతో బాధపడుతున్న ఆయనను గతవారం నగరంలోని ఓ ప్రైవేటు ఆసుపత్రిలో చేర్చారు. ఆరోగ్యం కాస్తమెరుగుపడడంతో బుధవారం ఆసుపత్రి నుంచి డిశ్చార్జి చేసినట్టు మిషన్ వెల్లడించింది. పూణేలోని సాధు వస్వానీ ప్రాంగణంలోనే ఉదయం కన్నుమూశారని వారన్నారు.

న్యూఢిల్లీ, జూలై 12: దేశ వ్యాప్తంగా సంచలనం సృష్టించిన ఢిల్లీలో 11 మంది ఆత్మహత్య చేసుకున్న ఘటనలో మృతులందరూ ఆత్మహత్య చేసుకుని మరణించారని పోస్టుమార్టమ్ నివేదికలోవైద్యులు తేల్చారు. ఈ వివరాలను పోలీసులు వెల్లడించారు. మృతులందరూ ఉరివేసుకుని మరణించారు. బురారీ కుటుంబానికి చెందిన 11 మంది ఈ నెల 1వ తేదీన ఆత్మహత్య చేసుకుని మరణించిన విషయం విదితమే.