ఢిల్లీ: సుప్రీం కోర్టు ప్రధాన న్యాయమూర్తి జస్టిస్ దీపక్ మిశ్ర అభిశంసన తీర్మానంపై కాంగ్రెస్ వెనక్కి తగ్గింది. అభిశంసన తీర్మానాన్ని తిరస్కరించడాన్ని సవాల్ చేస్తూ కాంగ్రెస్ ఎంపీలు నిన్న కోర్టుకు వెళ్లిన విషయం విదితమే. నేడు ఈ పిటిషన్‌పై రాజ్యాంగ ధర్మాసనం విచారణ చేపట్టింది. నలభై ఐదు నిమిషాల విచారణ అనంతరం ఈ పిటిషన్లను కాంగ్రెస్ ఎంపీలు వెనక్కి తీసుకున్నారు. దీంతో ధర్మాసనం వీటిని కొట్టేసింది.

హోస్‌కోట్/మాలూరు, మే 7: కాంగ్రెస్ పార్టీపై వ్యంగ్యోక్తులతో ధ్వజమెత్తుతున్న ప్రధాని నరేంద్రమోదీపై ఆపార్టీ అధినేత రాహుల్ గాంధీ మెరుపులు, చెళుకులతో కూడిన విమర్శనాస్త్రాలు సంధించారు. సోమవారం ఇక్కడ ఎన్నికల సభలో మాట్లాడిన రాహుల్ వర్క్‌మోడ్‌లేని మొబైల్‌ఫోన్‌గా ప్రధాని మోదీని అభివర్ణించారు. మాట్లాడేందుకు ఇతర అంశాలు ఏమీ లేవుకాబట్టే ప్రధాని తమపై వ్యక్తిగత విమర్శలకు దిగుతున్నారని రాహుల్ ధ్వజమెత్తారు.

బెంగళూరు: కర్నాటకలో ఎన్నికల ప్రచారం పతాకస్థాయికి చేరుకుంది. కాంగ్రెస్ పార్టీ అధ్యక్షుడు రాహుల్ గాంధీ సోమవారంనాడు కోలార్ జిల్లాలో బస్సు షో నిర్వహించారు. న్యూఢిల్లీ నుంచి ఉదయమే మలూర్ చేరుకున్న ఆయన వేలాది మంది కార్యకర్తలు వెంటరాగా బస్సులో ప్రయాణిస్తూ రోడ్ షో నిర్వహించారు. రాహుల్ అకస్మాత్తుగా బస్సు దిగి సైకిల్ నడుపుతూ రోడ్‌షోలో పాల్గొన్నారు. ఆయన వెంట నాయకులు, కార్యకర్తలు పరుగులు తేశారు.

లక్నో: మాజీ సీఎంలకు ప్రభుత్వ బంగ్లాలు కేటాయించవద్దని సుప్రీం కోర్టు స్పష్టం చేసింది. ఉత్తరప్రదేశ్‌లో మాజీ సీఎంలకు ప్రభుత్వ బంగ్లాలు కేటాయిస్తూ యూపీ ప్రభుత్వం జీఓ జారీ చేసింది. దీనిపై ఎన్జీఓ లోక్‌ప్రహరి దాఖలు చేసిన ప్రజా ప్రయోజన వాజ్యంపై తీర్పునిస్తూ ఈ నిర్ణయాన్ని వెల్లడించింది. మాజీ సీఎంలకు ప్రభుత్వ వసతిని కొనసాగిస్తూ యూపీ ప్రభుత్వం చేసిన సవరణను సుప్రీం కోర్టు కొట్టివేసింది.