న్యూఢిల్లీ, మార్చి 6: తెలంగాణ రాష్ట్రంలో ముస్లిం రిజర్వేషన్ల శాతం పెంచాలని కోరుతూ టీఆర్‌ఎస్ ఎంపీలు నిరసన చేపట్టారు. మంగళవారం ఉదయం పార్లమెంట్ అవరణలోని గాంధీ విగ్రహం వద్ద ఆ పార్టీ ఎంపీలు ముస్లిం రిజర్వేషన్లు కల్పించాలని ప్లకార్డులు ప్రదర్శిస్తూ రెండోరోజు నిరసన కొనసాగించారు.

న్యూఢిల్లీ, మార్చి 6: ఆంధ్రప్రదేశ్‌కు ప్రత్యేక హోదా, విభజన హామీలు అమలుచేయాలని కోరుతూ వరసగా రెండోరోజు పార్లమెంట్‌లో టీడీపీ, కాంగ్రెస్, వైఎస్‌ఆర్‌సీపీ ఎంపీలు నిరసనను కొనసాగించారు. మంగళవారం ఉదయం పార్లమెంట్ అవరణ ఎంపీల నిరసనలతో హోరెత్తింది. గాంధీ విగ్రహం వద్ద టీడీపీ ఎంపీలు ప్లకార్డులను ప్రదర్శిస్తూ ఏపీకి ప్రత్యేకహోదా ఇవ్వడంతో పాటు విభజన హామీలు అమలు చేయాలని నినాదాలిస్తూ ఆందోళన కొనసాగించారు.

న్యూఢిల్లీ: పంజాబ్ నేషనల్ బ్యాంకు కుంభకోణానికి సంబంధించి గీతాంజలి గ్రూప్ వైస్ ప్రెశిడెంట్‌గా పనిచేస్తున్న విపుల్ చితాలియాను మంగళవారంనాడు అరెస్టు చేశారు. ఈ కుంభకోణానికి సంబంధించి ఇప్పటి వరకు 18మందిని అదుపులోకి తీసుకున్నారు. వజ్రాల వ్యాపారి నీరవ్ మోదీ, అతని మేనమామ మెహల్ చోక్సీ పంజాబ్ నేషనల్ బ్యాంకుకు 12,636 కోట్ల రూపాయల వరకు టోకరా ఇచ్చిన విషయం విదితమే.

న్యూఢిల్లీ: ఉభయ తెలుగు రాష్ట్రాల ఎంపీల ఆందోళనల మధ్య లోకసభ కొనసాగుతుంది. స్పీకర్ సుమిత్రా మహాజన్ లోకసభను కొనసాగిస్తున్నారు. ఆర్థికబిల్లుకు ఆమోదం తెలపాలని కేంద్రమంత్రి విజ్ఞప్తి చేశారు. ఆందోళనల మధ్య ఆర్థిక బిల్లును ప్రవేశపెట్టారు. ఇదిలా ఉండగా పంజామ్ నేషనల్ బ్యాంక్ స్కామ్‌పై చర్చకు కాంగ్రెస్ పట్టుపట్టింది. ప్లకార్డులతో టీడీపీ ఎంపీలు వెల్‌లోకి దూసుకువెళ్లారు.