గొట్టిపాటి ఫ్లెక్సీలు చించిన అగంతకులు
Published Sunday, 1 May 2016అద్దంకి, ఏప్రిల్ 30: అద్దంకి శాసనసభ్యులు గొట్టిపాటి రవికుమార్ పేరుతో పోతురాజుగండి వద్దనున్న గొట్టిపాటి కార్యాలయం వద్ద ఏర్పాటు చేసిన ఫ్లెక్సీలను శనివారం ఉదయం గుర్తు తెలియని అగంతకులు చింపేశారు. ఫ్లెక్సీలు చించారన్న వార్తతో గొట్టిపాటి అనుచరులు కార్యాలయం వద్దకు చేరారు. ఎలాంటి ఉద్రిక్తతలకు తావివ్వరాదని, సంయమనం పాటించాలని ఎమ్మెల్యే గొట్టిపాటి అనుచరులకు చెప్పారని సమాచారం. టిడిపిలో చేరిన గొట్టిపాటి ఫ్లెక్సీలను గత ఐదురోజుల్లో రెండుసార్లు చించివేశారు. ఎవరైనా ఆకతాయితనంగా ఫ్లెక్సీలు చించినా అద్దంకిలో ఉద్రిక్తతలు రేకెత్తే అవకాశం ఉంది.