అమరావతి:నైతికతను పాటించి ఎన్డీయే నుంచి బయటకు వచ్చామని, ఏపీకి అన్యాయం జరిగింది. న్యాయం చేస్తానని ఎన్నికల్లో మోదీ హామీ ఇచ్చారని సిఎం చంద్రబాబు నాయుడు అన్నారు. ఆయన శుక్రవారంనాడు శాసనసభలో మాట్లాడుతూ..అవిశ్వాసం పెడతామని కొందరు డ్రామాలు ఆడుతున్నారని, రాష్ట్ర ప్రయోజనాల కోసం ఎలాంటి పరిస్థితుల్లోనూ రాజీపడే ప్రసక్తే లేదని స్పష్టం చేశారు. ఎవరెవరితోనో నాపై విమర్శలు చేయిస్తున్నారు.

విజయవాడ: మహాత్ముడు బోధించిన సత్యం, అహింస, హరిజనోద్ధరణ ఆశయాల కొరకు జీవితాంతం కృషిచేసిన వ్యక్తి పొట్టిశ్రీరాములు అని జనసేన అధినేత పవన్‌కల్యాణ్‌ అన్నారు. పొట్టి శ్రీరాములు జయంతి సందర్భంగా విజయవాడ కృష్ణలంక మెట్లబజారులోని ఆయన విగ్రహానికి పవన్‌కల్యాణ్‌ అంజలి ఘటించారు.

ఖమ్మం, మార్చి 15: జమ్ము కాశ్మీర్‌లో ఈనెల 12వ తేదీ అర్ధరాత్రి జరిగిన ఎన్‌కౌంటర్‌లో మృతి చెందిన ఉగ్రవాది భద్రాద్రి కొత్తగూడెం జిల్లా అశ్వాపురం వాసిగా గుర్తించటంతో జిల్లాలో ఒక్కసారిగా నిషేధిత ఐసిస్ కలకలం రేగింది. అనంతనాగ్ వద్ద జరిగిన ఎన్‌కౌంటర్‌లో ముగ్గురు ఉగ్రవాదులు మరణించగా అందులో కొత్తగూడెం జిల్లాకు చెందిన మహ్మద్ తౌఫిక్ ఉన్నట్లు నిర్ధారించారు.

సిద్దిపేట, మార్చి 15: భద్రాద్రి రామునిపై వివాదాలు సృష్టించడం అవివేకమని.. భద్రుని కోరిక మేరకే నారాయణుడే రాముని రూపంలో అవతరించినట్లు శాస్త్రాలు, పురాణాలు, వేదాలు చెపుతున్నాయని త్రిదండి అహోబిల రామానుజజీయర్ స్వామి పేర్కొన్నారు. గురువారం సిద్దిపేటలో పర్యటన సందర్భంగా విలేఖరులతో మాట్లాడారు. రాముడు నారాయణుడేనని.. భద్రాద్రి రాముడు నారాయణుడేనని ఆయన స్పష్టం చేశారు.