విశాఖ: విశాఖ మీదుగా కోస్తా ఆంధ్రామీద అల్పపీడన ద్రోణి ఏర్పడింది. దీని ప్రభావం వల్ల కోస్తాంధ్రలో అక్కడక్కడా వర్షాలు కురిసే అవకాశం ఉంది. ఉరుములు, మెరుపులతో వర్షాలు పడతాయని వాతావరణ శాఖ వెల్లడించింది.

హిందూపురం: తన నియోజకవర్గమైన హిందూపురంలో ఎమ్మెల్యే, నటుడు నందమూరి బాలకృష్ణ శనివారంనాడు విస్తత్రంగా పర్యటించారు. ఆయన పలు అభివృద్ధి పనులకు శంకుస్థాపన చేశారు. ఏంజిఏం ఇండోర్ స్టేడియానికి భూమి పూజ చేశారు. అంతకుముందు ఓ ప్రైవేటు ఆసుపత్రిని ప్రారంభించారు. పవన్ కల్యాణ్ వ్యాఖ్యలపై స్పందించమని కోరగా.. ఒకరిని సూపర్ స్టార్‌ను చేయటం ఇష్టం లేదు. మేమే సూపర్‌స్టార్లం అని బదులిచ్చారు.

హైదరాబాద్ : మహిళలకు నాయకత్వ లక్షణాలు ఉండాలని టీఆర్‌ఎస్ ఎంపీ కల్వకుంట్ల కవిత పేర్కొన్నారు. నగరంలోని పార్క్‌హయత్‌లో నల్సార్ యూనివర్సిటీ ఆధ్వర్యంలో మహిళా లీడర్‌షిప్ సమ్మిట్ -2108 జరిగింది. ఈ సదస్సుకు ముఖ్య అతిథిగా హాజరయ్యారు. ఈ సందర్భంగా ఎంపీ కవిత మాట్లాడుతూ.. అన్ని రంగాల్లో మహిళల ప్రాధాన్యత పెరగాలన్నారు. మహిళా సాధికారతకు ప్రభుత్వాలు సహకరించాలని కోరారు. మహిళలకు నాయకత్వ లక్షణాలు ఉండాలన్నారు.

అమరావతి: కేసుల మాఫీకే విజయసాయిరెడ్డి పీఎంవోలో తిరుగుతున్నారని, దానికి ప్రతిగానే జగన్ కేసులలో సడలింపులు వస్తున్నాయని, రేపోమాపో జగన్ కేసులు కొట్టివేస్తారనే ప్రచారం జరుగుతోందని ముఖ్యమంత్రి చంద్రబాబునాయుడు పేర్కొన్నారు. టీడీపీ ఎంపీలతో చంద్రబాబు శనివారం టెలికాన్ఫరెన్స్ నిర్వహించారు. ఈ సందర్బంగా మాట్లాడుతూ.. రాష్ట్రానికి న్యాయం జరగడమే మన లక్ష్యమన్నారు.