అమరావతి, ఫిబ్రవరి 25: ప్రధాని మోదీ, ముఖ్యమంత్రి చంద్రబాబు నాయుడు పార్లమెంట్‌లో మ్యాచ్ ఫిక్సింగ్ చేసుకుని నాటకాలాడుతూ రాష్ట్ర ప్రజలను మోసం చేస్తున్నారని కేంద్ర మాజీ మంత్రి జైరాం రమేష్ ఆరోపించారు. ప్రత్యేక హోదా ఆంధ్రుల హక్కని, హోదా కచ్చితంగా ఇచ్చి తీరాల్సిందేనని స్పష్టం చేశారు. తాము అధికారంలోకి వస్తే తొలి సంతకం ప్రత్యేక హోదా పైనేనని ప్రకటించారు.

హైదరాబాద్, ఫిబ్రవరి 25: ‘కలిసి సాగుదాం. తెరాస పాలనకు చరమగీతం పాడుదాం’ అని టీపీసీసీ అధ్యక్షుడు ఉత్తమ్‌కుమార్ రెడ్డి పార్టీ సీనియర్లు, నాయకులు, కార్యకర్తలకు పిలుపునిచ్చారు. కాంగ్రెస్ ప్రజా చైతన్య బస్సు యాత్ర సోమవారం నుంచి చేవెళ్లనుంచి మొదలవుతున్న సంగతి తెలిసిందే.

విశాఖపట్నం, ఫిబ్రవరి 25: ప్రపంచం అంతా ఇప్పుడు ఈజ్ ఆఫ్ డూయింగ్ బిజినెస్ గురించి మాట్లాడుతోంది... అభివృద్ధి చెందిన, చెందుతున్న దేశాలు ఈ విషయంలో పోటీ పడుతున్నాయి... ఈజ్ ఆఫ్ డూయింగ్ బిజినెస్‌లో ఆంధ్రప్రదేశ్ దేశంలోనే నెంబర్ వన్ స్థానంలో ఉంది... ముఖ్యమంత్రి చంద్రబాబు నాయుడు ఈజ్ ఆఫ్ డూయింగ్ బిజినెస్‌ను ప్లజర్ ఆఫ్ డూయింగ్ బిజినెస్‌గా మార్చేశారని కేంద్ర వాణిజ్యశాఖ మంత్రి సురేష్ ప్రభు కితాబునిచ్చారు.

కర్నూలు, ఫిబ్రవరి 25 : రాష్ట్ర విభజన తరువాత తొలిసారి శ్రీశైలం జలాశయంలో ఫిబ్రవరి చివరలోనూ మోస్తరు నీటి నిల్వ ఉంచి ప్రజలకు ఆందోళన లేకుండా చేశారు. విభజన తరువాత గత నాలుగేళ్లు అటు తెలంగాణ, ఇటు ఆంధ్రప్రదేశ్ రాష్ట్రాలు ఇష్టానుసారం శ్రీశైలం జలాశయంలోని నీటిని వినియోగించుకోవడంతో ఫిబ్రవరి మొదటి వారానికే జలాశయం ఖాళీ అయి సీమ ప్రజలను భయపెట్టేది.