కోరుట్ల, జనవరి 9: అరబిక్ భాష నేర్చుకునేందుకు వెడుతున్న ఆరేళ్ల బాలికను ఓ ఆటో డ్రైవర్ కిడ్నాప్ చేసి పరారవగా 40 నిమిషాల్లో అతడిని పట్టుకున్న పోలీసులు ఆ చిన్నారిని సురక్షితంగా తల్లి ఒడికి చేర్చారు. కోరుట్ల పట్టణంలో సోమవారం సాయంత్రం జరిగిన ఈ సంఘటన కలకలం రేపింది. జగిత్యాల ఎస్పీ అనంతశర్మ ఈ కేసు వివరాలు వెల్లడించారు.

హైదరాబాద్, జనవరి 9: నోట్ల రద్దు కారణంగా ప్రజలు ఎదుర్కొంటున్న ఇబ్బందులు, తదితర ప్రజా సమస్యలపై మరింత ఉద్ధృతంగా ఉద్యమించేందుకు పిసిసి మాజీ అధ్యక్షుడు, మాజీ మంత్రి పొన్నాల లక్ష్మయ్య చైర్మన్‌గా రాష్ట్ర స్థాయి కార్యాచరణ కమిటీని ఎఐసిసి ప్రకటించింది.

హైదరాబాద్, జనవరి 9: తనకు 50 రోజుల గడువు ఇస్తే నోట్ల కష్టాలు తీర్చడమే కాకుండా నల్లకుబేరులను పట్టేసుకుని విప్లవాత్మకమైన మార్పులు తెస్తామన్న ప్రధాని నరేంద్ర మోదీ మాటలు నీటి మూటలే అయ్యాయని ఎఐసిసి నాయకుడు, మాజీ రాజ్యసభ సభ్యుడు వి. హనుమంత రావు విమర్శించారు. 50 రోజులు కాదు కదా 60 రోజులు దాటినా ప్రజలకు నోట్ల కష్టాలు తీరలేదని ఆయన సోమవారం విలేఖరుల సమావేశంలో మాట్లాడుతూ చెప్పారు.

హైదరాబాద్, జనవరి 9: ఇంజనీరింగ్ చదివిన విద్యార్థులందరికీ ఉద్యోగాలు ఎక్కడి నుంచి వస్తాయని ముఖ్యమంత్రి కెసిఆర్ వ్యాఖ్యానించి విద్యార్థుల్లో భయాందోళనలు సృష్టించారని టిడిపి జాతీయ ప్రధాన కార్యదర్శి రేవూరి ప్రకాశ్ రెడ్డి విమర్శించారు. ఇందుకు కెసిఆర్ యువతకు క్షమాపణ చెప్పాలని సోమవారం ఒక ప్రకటనలో డిమాండ్ చేశారు. ఉచితంగా కెజిటు పిజి అంటున్నారే తప్ప డిఎస్సీని నిర్వహించటం లేదని ఆయన విమర్శించారు.