కొత్తకోట, జనవరి 8: ట్యూషన్‌కు వెళుతున్న ముగ్గురు చిన్నారులకు చాక్లెట్ ఆశచూపి ఓ వ్యక్తి అత్యాచారానికి, లైంగిక వేధింపులకు పాల్పడిన సంఘటన వనపర్తి జిల్లాలో చోటుచేసుకుంది. బాధితుల్లో ఇద్దరు ఎనిమిదేళ్ల బాలికలకు కాగా, మరొకరు అదేవయసున్న బాలుడు. మూడు రోజుల క్రితం జరిగిన ఈ సంఘటన ఆదివారం వెలుగులోకి రాగా నిందితుడిని గ్రామస్థులు చితకబాది పోలీసులకు అప్పగించారు.

వాంకిడి, జనవరి 8: టేకు కలప, వెదురు, ఇతర అటవీ ఉత్పత్తులు, అటవీప్రాంతంలో దొరికే ప్రత్యేకమైన ఇనుపఖనిజంతో అందమైన వస్తువులు, ఫర్నిచర్ తయారీలో శిక్షణ ఇచ్చి గిరిజనులకు ఉపాధి చూపి దేశవ్యాప్తంగా పేరుపొందిన సంస్థ కుమ్రం భీం ఆసిఫాబాద్ జిల్లాలోని వాంకిడి కామన్ ఫెసిలిటి సెంటర్ (సిఎఫ్‌సి). ఐటిడిఎ ఆధ్వర్యంలో 1979లో ఏర్పడిన ఈ సంస్థ 2012 వరకు నిరాఘాటంగా పనిచేసి ఎంతోమందికి ఉపాధి చూపింది.

మిరుదొడ్డి, జనవరి 8: సిద్దిపేట జిల్లా మిరుదొడ్డి గ్రామంలోని కెజిబివి కేంద్రంలో ఆదివారం మధ్యా హ్న భోజనం తిన్న విద్యార్థినులలో 50మంది తీవ్ర అస్వస్థతకు గురయ్యారు. మరో 30 మంది స్వల్ప అనారోగ్యానికి గురయ్యారు. వీరందరినీ మొదట మిరుదొడ్డిలోని ప్రభుత్వ అసుపత్రికి తరలించే ప్రయత్నం చేశారు. అయితే ఆసుపత్రి తెరచిలేకపోవడంతో ప్రైవేట్ అసుపత్రిలో ప్రాథమిక చికిత్స చేశారు.

హైదరాబాద్, జనవరి 8: జంట కమిషనరేట్ల పరిధిలో పక్షం రోజుల్లో 9 మంది పోలీస్ అధికారులపై సస్పెన్షన్ వేటు పడింది. విధుల్లో నిర్లక్ష్యం, ఠాణాకు వచ్చిన ఫిర్యాదులపై కేసులు నమోదు చేయకుండా అక్రమాలకు పాల్పడినట్టు అభియోగాలపై 9మంది పోలీసులు సస్పెన్షన్‌కు గురయ్యారు.