మేళ్లచెర్వు, జనవరి 7: నల్లగొండ జిల్లా చింతలపాలెం మండల పరిధిలోని చింత్రియాల గ్రామం వద్ద కృష్ణానదిపై నడుపుతున్న బల్లకట్టు వద్ద శనివారం ప్రమాదం జరిగింది. ఈ ఘటనలో లారీ నది ఒడ్డున నీళ్లలో పడగా ఎటువంటి ప్రాణహాని జరగలేదు. హుజూర్‌నగర్ నుండి గుంటూరు జిల్లాకు బాయిల్డ్ బియ్యంతో వెళ్తున్న లారీ చింత్రియాల వద్ద బల్లకట్టును ఎక్కించేందుకు క్రమంలో అదుపుతప్పి నది వడ్డున ఉన్న నీటిలో పడింది.

హైదరాబాద్, జనవరి 7: మత్స్య పరిశ్రమాభివృద్ధికి కార్పొరేషన్ లేదా ఫెడరేషన్ ఏర్పాటు చేయనున్నట్టు సిఎం కె చంద్రశేఖర్ రావు వెల్లడించారు. రాష్ట్రంలో మత్స్య పరిశ్రమ, గొర్రెల పెంపకంపై అవసరమైన కార్యాచరణ యుద్ధప్రాతిపదికన రూపొందించాలని ప్రగతి భవన్‌లో శనివారం నిర్వహించిన సమావేశంలో అధికారులను ఆదేశించారు.

యాదగిరిగుట్ట, జనవరి 6:యాదాద్రి క్షేత్ర అభివృద్ధికోసం ప్రభుత్వం చేపట్టిన పనులు చురుకుగా కొనసాగుతున్నాయని, రాబోయే కాలంలో తిరుమల తిరుపతి దేవస్థానం మాదిరిగా ఈ క్షేత్రం విలసిల్లుతుందని గవర్నర్ నరసింహన్ అన్నారు. శుక్రవారం ఉదయం యాదాద్రి లక్ష్మీనరసింహ స్వామివారిని గవర్నర్ దంపతులు దర్శించి ప్రత్యేక పూజలు నిర్వహించారు.

హైదరాబాద్, జనవరి 6: రాష్ట్రంలో ప్రైవేటు యూనివర్సిటీలకు అనుమతి ఇవ్వనున్నట్టు ఉప ముఖ్యమంత్రి కడియం శ్రీహరి తెలిపారు. అసెంబ్లీ లాబీలో శుక్రవారం కడియం శ్రీహరి మీడియాతో ఇష్టాగోష్టిగా మాట్లాడారు. ప్రైవేటు విశ్వవిద్యాలయాల నియమ నిబంధనలు ఎలా ఉండాలి అనే ఆలోచిస్తున్నామని, ప్రైవేటు విశ్వవిద్యాలయాలు రావడం మాత్రం ఖాయం అని అన్నారు. దేశ వ్యాప్తంగా 254 ప్రైవేటు విశ్వవిద్యాలయాలు ఉన్నాయని చెప్పారు.