హైదరాబాద్, జనవరి 18: మిషన్ కాకతీయ పైలాన్ ప్రారంభోత్సవానికి వచ్చేనెల మొదటివారంలో ప్రధాని నరేంద్ర మోదీ వరంగల్‌లో పర్యటించనున్నారు. ప్రధాని పదవి చేపట్టిన తరువాత, తెలంగాణ ఆవిర్భావం తరువాత నరేంద్ర మోదీ తొలి పర్యటన ఇది. ఇప్పటివరకు వివిధ కార్యక్రమాలకు నరేంద్ర మోదీని మూడుసార్లు ఆహ్వానించినా రాలేదని తెరాస ఇటీవల బిజెపిపై విమర్శలు ప్రారంభించింది.

చౌటుప్పల్, జనవరి 17: సంక్రాంతి పండగ ముగిసింది. పల్లెలకు వెళ్లిన హైదరాబాద్ వాసులు తిరుగుముఖం పట్టడంతో విజయవాడ-హైదరాబాద్ జాతీయ రహదారి కిక్కిరిసిపోయిం ది. ఇసుకేస్తే రాలనంతగా రహదారిని వాహనాలు పూర్తిగా ఆక్రమించడంతో ఎక్కడికక్కడ ట్రాఫిక్ జామ్‌లతో ప్రయాణికులు అవస్థ పడ్డారు. టోల్‌గేట్ల వద్ద పరిస్థితి సరేసరి.

హైదరాబాద్, జనవరి 17: జిహెచ్‌ఎంసి ఎన్నికల నామినేషన్ల ఘట్టం ఆదివారం మధ్యాహ్నం 3 గంటలకు ముగిసింది. అయినా కొన్ని పార్టీల అభ్యర్థులు పూర్తిగా తేలలేదు. ఈనెల 21న నామినేషన్ల ఉపసంహరణ గడువు ముగిసేలోగా ‘బి-్ఫరం’ అందుకున్నవాళ్లే తుది అభ్యర్థులు అనుకోవాల్సిన పరిస్థితి కనిపిస్తోంది. నామినేషన్ల గడువు ముగిసే సమయానికి 150 డివిజన్లకు సుమారు 3 వేల నామినేషన్లు దాఖలయ్యాయి.

హైదరాబాద్, జనవరి 16: గ్రేటర్ హైదరాబాద్ మున్సిపల్ కార్పొరేషన్ (జిహెచ్‌ఎంసి) ఎన్నికల్లో మిత్రపక్షాలైన తెలుగు దేశం- భారతీయ జనతా పార్టీల మధ్య సీట్ల సర్దుబాటుపై ‘చిచ్చు’ సద్దుమణగలేదు. ఆశావాహుల ఆందోళనలు, నిరసనలతో రెండు పార్టీల కార్యాలయాలు హోరెత్తాయి. గత ఎన్నికల్లో విజయం సాధించిన, బలమైన డివిజన్లను పంపకానికి ఎలా పెడతారంటూ రెండు పార్టీల్లోనూ ఆశావహులు, అనుచరులు నిలదీస్తున్నారు.