S ,7 à 8 RSCA (si SASPAS) et 6 cialis pharmacie cialis rapports de stage.

మీ వ్యూస్

07/13/2019 - 20:41

యూత్ సినిమా అంటే బూతు సినిమా అని, అసలు వలువలకు విలువలేదని తెలియజెప్పే ప్రయత్నం చేసింది ఆమధ్య వచ్చిన ‘హిప్పీ’. సినిమా ఆసాంతం తలాతోకా లేకుండా, అసలు చెప్పాలంటే కథని గాలికి వదిలేసి ముద్దులు, బూతు డైలాగులు, వళ్ళు చూపించడం లాంటివి వుంటే సినిమా పాసయి పోతుందన్న ధీమాతో యూత్‌పైకి ఈ వి(వ)లువల్లేని సినిమాని వదిలారు. అసలు ‘హిప్పీ’ద్వారా ఏం చెప్పాలనుకున్నారో సినిమా తీసినోళ్లకే అర్థమై ఉండదు.

07/06/2019 - 20:11

సాధారణంగా బయోపిక్‌లు ప్రజాదరణ పొందిన వ్యక్తులపై తీస్తారు. కానీ చాలామందికి తెలీని అతి సామాన్య వ్యక్తిపై బయోపిక్ తీసి ‘వహ్వా’ అనిపించారు. అదే -చేనేతన్న చింతకింది మల్లేశం కథ. సినిమాగా వచ్చిన శ్రమజీవి మల్లేశం కథలో సహజత్వం ఉట్టిపడింది. నేతన్నలు వృత్తిలో ఎదుర్కొంటున్న కష్టనష్టాలను కళ్ళకు కట్టినట్టు చూపించటంలో దర్శకుడు రాజ్ ఆర్ ప్రతిభ కనిపించింది.

06/29/2019 - 19:58

ఓ గొప్ప ఆవిష్కరణ అనేది బాధనుంచో, భారంనుంచో పుడుతుంది. మల్లేశం కనుక్కున్న ఆసు యంత్రం కూడా అలాంటిదే. తమ వృత్తికవసరమైన శారీరక శ్రమను తగ్గించే ఆవిష్కరణ కోసం ఓ వ్యక్తి సజీవ పరితపనకు తెర రూపమే -మల్లేశం. చాలాకాలం తరువాత ఓ స్ఫూర్తివంతమైన సినిమా చూశామన్న భావన కలిగింది. సమీక్షకులు ఎన్ని విధాలుగా సమీక్షించినా, కామన్ ఆడియన్‌గా ఈ చిత్రం సంతృప్తినిచ్చింది.

06/22/2019 - 20:19

‘సీత’ చిత్ర దర్శకుడు ఒక మేవరిక్ అని ఒక పత్రిక అభివర్ణించింది. మేవరిక్ అంటే స్థిర అభిప్రాయాలు లేని చంచల చిత్తుడు లేదా పిచ్చోడు అని అర్థం. కాజల్ చక్కగా నటించినా సీత పాత్రను దర్శకుడు సరిగా మలచలేక పరాజయం మూటకట్టుకున్నాడని మరో పత్రిక కథనం. మన వెనె్నల సీతకు సింగిల్ స్టార్ రేటింగ్ ఇచ్చింది. ఇన్ని వాతలుపడినా కాజల్ ఏమంటున్నదో చూడండి! ‘సీత’తో పిహెచ్‌డీ చేసే అవకాశం వచ్చింది.

06/15/2019 - 20:55

బెల్లంకొండ శ్రీనివాస్, కాజల్ నటించిన -సీత.. ప్రస్తుత మానవత్వ సంబంధాల పరిస్థితిని తేటతెల్లం చేసింది. డబ్బు పిచ్చిపట్టి విలన్‌గా ప్రవర్తించే పాత్రలో కాజల్ నటన బావుంది. ఆ పిచ్చిలో పడి.. అవసరమైతే సహజీవనానికి తెగబడటం, అందుకు అగ్రిమెంట్ రాసుకోవడం లాంటి సన్నివేశాలు వాస్తవ పరిస్థితిని తేటతెల్లం చేశాయి. సీతను టార్చర్‌పెట్టే పాత్రలో బసవరాజుగా సోనుసూద్ అద్భుతంగా చేశాడు.

06/08/2019 - 20:52

గత రెండు నెలల్లో థియేటర్లకు వచ్చిన ఒక్క సినిమానూ గొప్ప చిత్రంగా చెప్పుకోడానికి లేదు. చిన్న చిత్రాలకు సరైన స్లాట్ దొరికినా -ఆడియన్స్‌ని రంజిప చేయగలిగే సనిమా ఒక్కటీ రాలేదు. నువ్వుతోపురా.. గీతా ఛలో.. అభినేత్రి-2.. ఏబీసీడీ.. ఎవ్వడూ తక్కువ కాదు.. సీత.. ఇలా వచ్చిన సినిమాల్లో ఇది బావుందని చెప్పడానికి ఒక్కటీ లేకపోవడం బాధాకరం.

06/01/2019 - 22:27

వెనె్నల ఫ్లాష్‌బ్యాక్ అట్ 50లో ప్రచురించిన ‘ఇల్లరికం’ చిత్రం విశేషాలు చాలా బాగున్నాయి. ఇందులో అందరినీ అలరించే వాటిల్లో రేలంగి చెప్పిన అల్లుడి కథ. అందులో ఆయనా, రమణారెడ్డి ప్రదర్శించిన నటన ప్రత్యేకించి చెప్పుకోదగ్గవి. ఇందులో కొన్ని మనోహరమైన సన్నివేశాలు చాలా నిండుగా చిత్రీకరించారు. హాస్య సన్నివేశాలు అన్నీ హుషారుగా నడిచి నటీనటుల ప్రతిభ తెలుస్తుంది.

05/25/2019 - 20:33

హిట్టా ఫట్టా అన్న విషయాన్ని కాసేపు పక్కన పెడితే మహేష్ మహర్షిలోని కొన్ని సన్నివేశాలు ఫీల్‌ను అందించాయ. క్లాస్‌మేట్స్ అల్లరి నరేష్, పూజాహెగ్డేలతో మహేష్ చేసిన అల్లరి చూస్తే కాలేజిలో ఉన్నామా? అన్న భావన కలిగింది.

05/18/2019 - 21:49

సూపర్‌స్టార్ మహేష్‌బాబు హీరోగా గతవారం విడుదలైన మహర్షి చిత్రం మామూలుగానే ఉందితప్ప, బయట ప్రచారం జరుగుతున్నంత గొప్ప చిత్రమేమీ కాదు. ‘వీకెండ్ వ్యవసాయం’ అంటూ ఓ కానె్సప్ట్‌ను సినిమాలో డిస్కస్ చేయడం గొప్ప సమాజోద్దరణగా కనిపించొచ్చేమోగానీ ప్రాక్టికల్‌గా సాధ్యంకాదు. రైతు ప్రాధాన్యతకు గుర్తింపునిచ్చే చిత్రంగా చెప్పుకున్నా -కమర్షియాలిటీ తప్ప కమిట్‌మెంట్ చిత్రమని చెప్పలేం.

05/11/2019 - 20:44

టైటానిక్‌ని అవెంజర్సే ముంచేశారంటూ ప్రముఖ హాలీవుడ్ దర్శకుడు జేమ్స్ కామెరూన్ ఇటీవల చేసిన వ్యాఖ్యల్లో ఎంతో ప్రేమ, సినిమాపట్ల ఆప్యాయత కనిపిస్తుంది. మార్వెల్ సంస్థ నిర్మించిన ‘ఎండ్‌గేమ్’ ప్రపంచవ్యాప్తంగా వసూళ్ల దుమారం రేపడంపై ఆయన చేసిన కామెంట్ అద్భుతం. ఓ సినిమా గొప్పతనాన్ని ప్రొఫెషనల్‌గా ప్రశంసించడమంటే ఇదే. అవతార్, టైటానిక్ సినిమా రికార్డులను దాటేసిన ఎండ్‌గేమ్ సక్సెస్‌ను ఆయన చాలా గొప్పగా చెప్పాడు.

Pages