హైదరాబాద్, మే 1: రాజధాని నగరంలో రోజురోజుకు పెరుగుతున్న నీటి ఎద్దడిని తట్టుకునేందుకు ప్రభుత్వం చేపట్టిన ఇంకుడు గుంతల ఏర్పాటు ప్రక్రియ ఉత్తమమైనదే అయినా ప్రజలలో పూర్తి స్ధాయిలో అవగాహన కల్పించలేక పోతున్నారనే వాదనలు వినిపిస్తున్నాయి. అంబర్‌పేట నియోజకవర్గంలో ఎక్కడ చూసినా భవనాలు ఉండటంతో పడిని వర్షపునీరు చుక్కకూడా భూమి లోపలకు ఇంకే పరిస్ధితులు కల్పంచడం లేదు.

కెపిహెచ్‌బి కాలనీ, మే 1: భూగర్బ జలాల పెంపునకు ఇంకుడు గుంతలను తప్పని సరిగా ఏర్పాటు చేసుకోవాలని వివేకానందనగర్ డివిజన్ టిఆర్‌ఎస్ సీనియర్ నాయకుడు మాధవరం రామారావు అన్నారు. ఆదివారం డివిజన్ పరిధిలోని శాంతినగర్‌లో ఏర్పాటు చేయనున్న ఇంకుడు గుంతల నిర్మాణ పనులను ఆయన ప్రారంభించారు. ఈ సందర్భంగా ఆయన మాట్లాడుతూ ఇంకుడు గుంతలను ఏర్పాటు చేసుకోవడం ద్వారా నీటి నిలవలను పెంచవచ్చన్నారు.

హైదరాబాద్, మే 1: ప్రపంచ కార్మిక దినోత్సవాన్ని పురస్కరించుకొని పలువురు బాల కార్మికులకు విముక్తి కలిగింది. పాతబస్తీ, రంగారెడ్డి జిల్లాలోని పలు పరిశ్రమల్లో పెద్ద ఎత్తున బాలకార్మికులు పనిచేస్తున్నట్టు చైల్డ్, ఉమెన్ వెల్ఫేర్ అధికారులు దాడులు నిర్వహించారు.

సికింద్రాబాద్, మే 1: పోలీసులతో పాటు పౌరులు కూడా స్వచ్ఛందంగా తమ బాధ్యతలను నిర్వహించాల్సిన అవసరం ఉందని నగర పోలీస్ కమిషనర్ మహేందర్‌రెడ్డి పేర్కొన్నారు. ఆదివారం సికింద్రాబాద్ నియోజకవర్గం నార్త్‌జోన్ పరిధిలోని తుకారాంగేట్ పోలీస్‌స్టేషన్‌లో ఏర్పాటు చేసిన సిసి కెమెరాలతోపాటు ఆధునీకరించిన పోలీస్‌స్టేషన్‌ను ఆయన ప్రారంభించారు.