విజయవాడ, డిసెంబర్ 15: శ్రీకాకుళం, చిత్తూరు, మచిలీపట్నం జిల్లా కేంద్రాల్లో పనిచేస్తున్న రాష్ట్ర ప్రభుత్వ ఉద్యోగుల ఇంటి అద్దె భత్యాన్ని 20 శాతానికి పెంచి, 2018 జనవరి నుండి అమలుచేసేలా ప్రభుత్వ ఉత్తర్వులు విడుదల చేయటంపై సర్వత్రా హర్షం వ్యక్తమవుతోంది.

విజయవాడ, డిసెంబర్ 15: ఆధార్ ఆధారిత విత్తన పంపిణీ విధానానికిగాను రాష్ట్ర వ్యవసాయ శాఖకు జాతీయ స్థాయిలో సీఎస్‌ఐ నిహిలెంట్ ఈ-గవర్నెన్స్ ఎక్స్‌లెన్సీ అవార్డు-2017 లభించింది. కంప్యూటర్ సొసైటీ ఆఫ్ ఇండియా (సీఎస్‌ఐ) సంస్థ ఈనెల 8న హైదరాబాద్‌లో నిర్వహించిన పోటీల్లో ఈ-గవర్నెన్స్ ప్రాజెక్టు కింద ఈ అవార్డు దక్కింది.

న్యూఢిల్లీ, డిసెంబర్ 14: రాజ్యసభలో పార్టీ ఫిరాయించిన ఎంపీలపై చైర్మన్ వెంకయ్య నాయుడు అనర్హత వేటు వేసినట్లుగానే లోక్‌సభలో కూడ పార్టీ మారిన ఎంపీలపై చర్యలు తీసుకోవాలని వైకాపా ఎంపీలు డిమాండ్ చేశారు. గురువారం వైఎస్సాఆర్‌సిపి ఎంపీలు మేకపాటి రాజమోహన్‌రెడ్డి, విజయసాయి రెడ్డి ఢిల్లీలో విలేఖరులతో మాట్లాడుతూ ఆంధ్రప్రదేశ్ విభజన చట్టంలో పొందుపరచిన అంశాలను పార్లమెంటులో లేవనెత్తుతామని తెలిపారు.

రాజమహేంద్రవరం, డిసెంబర్ 14: విభజన చట్టం హామీ మేరకు పోలవరం ప్రాజెక్టు మొత్తం ఖర్చును కేంద్రమే భరించాలని రాజ్యసభ సభ్యుడు కేవీపీ రామచంద్రరావు వేసిన ప్రజాప్రయోజన వ్యాజ్యం (పిల్)పై ఈనెల 19వ తేదీలోగా అఫిడవిట్ దాఖలుచేయాలని ముఖ్యమంత్రి చంద్రబాబునాయుడుకు మాజీ ఎంపి ఉండవల్లి అరుణ్‌కుమార్ సూచించారు.