అమరావతి, జూలై 13: ప్లీనరీలో వైఎస్సార్ కాంగ్రెస్ ప్రకటించింది నవరత్నాలు కాదు, 9 గులకరాళ్లు.. ఈ మేరకు వైకాపా పనికిమాలిన హామీల బడ్జెట్‌పై చర్చ అనవసరం.. ఎందుకూ కొరగాని హామీలను ప్రకటించి వాటిపై వాళ్లలో వాళ్లే బడ్జెట్ వ్యయాల గురించి చర్చల బిల్డప్ ఇవ్వడం హాస్యాస్పదం.. మేము భయపడేది మీ హామీల గురించి కాదు, మీ విధ్వంసక ధోరణి గురించి..

విజయవాడ, జూలై 13: ఈనెల 15తేదీ ఢిల్లీలో జరుగబోయే జిఎస్‌టి కౌన్సిల్ సమావేశంలో వస్త్రాలపై జిఎస్‌టి తొలగింపుపై తుది నిర్ణయం తీసుకోవాలని ఏపి టెక్స్‌టైల్ ఫెడరేషన్ చైర్మన్ బూసిరెడ్డి మల్లేశ్వరరెడ్డి విజ్ఞప్తి చేశారు.

విజయవాడ (క్రైం), జూలై 13: కాపులను బిసిలను చేర్చాలని కోరుతూ పాదయాత్రకు సిద్ధమవుతున్న మాజీ మంత్రి ముద్రగడ పద్మనాభం ఇప్పటి వరకు అనుమతికి దరఖాస్తు చేయాలేదని హోం మంత్రి నిప్పకాయల చినరాజప్ప చెప్పారు. ఒకవేళ ఆయన తన పాదయాత్రకు అనుమతి కోసం దరఖాస్తు చేస్తే పోలీసులే దగ్గరుండి పాదయాత్ర చేయిస్తారని గురువారం హోంమంత్రి వ్యాఖ్యానించారు.

విజయవాడ, జూలై 13: జాతీయ కవి, రచయిత, స్వాతంత్య్ర సమరయోధుడు గురిమెళ్ల సత్యనారాయణ తుది శ్వాస దాకా విలువలకు నిబద్ధుడై జీవించారని ఆంధ్రప్రదేశ్ ముఖ్యమంత్రి చంద్రబాబు నాయుడు నివాళులర్పించారు. జూలై 14న గరిమెళ్ల జయంతి సందర్భంగా ఆయన గరిమెళ్ల స్ఫూర్తిని గుర్తు చేసుకున్నారు. ‘మాకొద్దీ తెల్లదొరతనం’ గేయంతో తెలుగుజాతిలో పౌరుషాన్ని రగిలించారని ఆయన శ్లాఘించారు.