భీమవరం, డిసెంబర్ 19: ఆక్వా రైతాంగానికి ఆదాయ పన్ను మినహాయింపు లభించేలా కృషిచేస్తామని రాష్ట్ర వ్యవసాయ శాఖ మంత్రి ప్రత్తిపాటి పుల్లారావు ప్రకటించారు. ఈ రంగంలో కూడా సన్న, చిన్నకారు రైతులున్నారని, వారి కోసం నిబంధనలు సడలించి, వరి రైతు తరహాలో ఆదాయపు పన్ను మినహాయింపు ఇవ్వాలని కేంద్రాన్ని కోరతామన్నారు. ఆక్వా రైతాంగాన్ని కూడా ప్రధాన మంత్రి ఫసల్ బీమా యోజనలో చేర్చాలని కోరతామన్నారు.

హైదరాబాద్, డిసెంబర్ 19: ఆంధ్రప్రదేశ్‌లో ప్రభుత్వ , ప్రైవేటు స్కూళ్లకు సంక్రాంతి సెలవులు జనవరి 7నుండి ప్రారంభం కానున్నాయి. అధికారిక సమాచారం ప్రకారం ఈమేరకు వార్షిక ప్రణాళికలో మార్పులు చేయనున్నారు. సంక్రాంతి సెలవులు 7 నుండి మొదలై 15వ తేదీ వరకూ ఉంటాయని పాఠశాల విద్యాశాఖ అధికారి ఒకరు చెప్పారు.

విశాఖపట్నం, డిసెంబర్ 19: వెనుకబాటు తనాన్ని రూపుమాపకుండా ప్రాంతాల మధ్య వివక్ష చూపితే రాష్ట్రాల్లో వేర్పాటు వాదం మొదలవుతుందని పిసిసి చీఫ్ ఎన్ రఘువీరారెడ్డి అభిప్రాయపడ్డారు. విశాఖలో శనివారం జరిగిన ఉత్తరాంధ్ర కాంగ్రెస్ కార్యకర్తల సదస్సులో ఆయన మాట్లాడుతూ ఒకప్పుడు తెలంగాణ వాదం బలంగా విన్పించగా, చివరకు రాష్ట్రం రెండుగా చీలిపోయిందన్నారు.

రాజమహేంద్రవరం, డిసెంబర్ 19: పోలవరం నిర్వాసితులకు పునరావాస పునర్నిర్మాణ చట్టం (ఆర్ అండ్ ఆర్) ప్రకారం ఇవ్వాల్సిన భూమికి భూమి వ్యవహారంలో మాయ జరుగుతోంది. ఆర్ అండ్ ఆర్ ప్రకారం నిర్వాసితుల నుండి తీసుకున్న వ్యవసాయ భూమికి బదులుగా వేరే ప్రాంతంలో భూమిని ఇవ్వాల్సివుంది. అయితే నిర్వాసితులకు ఎటువంటి భూమి ఇప్పటివరకు ఇవ్వకపోయినా రికార్డుల్లో మాత్రం వారికి భూమి ఇచ్చినట్టు నమోదుచేస్తునట్టు వెలుగులోకి వచ్చింది.