సిద్దిపేట, డిసెంబర్ 6: భూవివాదాల్లో తలదూర్చి నరుూంముఠా పేరిట బెదిరింపులు చేసి బ్లాక్‌మెయిలింగ్‌కు పాల్పడిన వారిని అరెస్టు చేసి రిమాండ్‌కు పంపినట్లు సిద్దిపేట ఎసిపి నర్సింహారెడ్డి వెల్లడించారు. రియల్టర్లను బెదిరించి బ్లాక్‌మెయిల్ చేస్తే చట్టపరమైన చర్యలు తప్పవని హెచ్చరించారు. మంగళవారం తన చాంబర్‌లో విలేఖరులతో మాట్లాడారు.

హైదరాబాద్, డిసెంబర్ 6: గత ఐదు రోజుల్లో అత్యధికంగా డిజిటల్ ఆర్థిక లావాదేవీలు నిర్వహించిన రాష్ట్రంగా తెలంగాణ దేశంలోనే నంబర్ వన్‌గా నిలిచిందని సిఎం కె చంద్రశేఖర్‌రావు అన్నారు. సాధ్యమైనంత త్వరగా తెలంగాణను పూర్తిస్థాయి డిజిటల్ రాష్ట్రంగా తీర్చిదిద్దుతామని సిఎం వెల్లడించారు. రాష్ట్రంలో ఆర్థిక లావాదేవీలను డిజిటలైజ్ చేసే ప్రక్రియలో సహకరించేందుకు దిగ్గజ బ్యాంకు ఐసిఐసిఐ ముందుకొచ్చింది.

హైదరాబాద్, డిసెంబర్ 6: ఆంధ్రప్రదేశ్ ప్రభుత్వం క్రియేటివిటీ, కల్చరల్ కమిషన్‌ను మంగళవారం నాడు ఏర్పాటు చేసింది. ఈ కమిషన్‌కు ప్రభుత్వం విశేషాధికారాలను అప్పగించింది. సాంస్కృతిక కళారూపాలను కించపరిచినా, ఏ వ్యక్తుల ప్రయోజనాలకైనా భంగం కలిగించే రీతిలో వ్యవహరించినా చర్యలు తీసుకునే అధికారం ఈ కమిషన్‌కు ఉంటుంది. పర్యాటక శాఖ అధీనంలో ఈ కమిషన్ పనిచేస్తుంది. ఈ కమిషన్ తెలుగు భాష సంస్కృతి వికాసానికి పనిచేస్తుంది.

విశాఖపట్నం, డిసెంబర్ 5: దక్షిణ అండమాన్ సముద్రం, ఆగ్నేయ బంగాళాఖాతం సమీపాన అల్పపీడనం ఏర్పడిందని విశాఖపట్నం వాతావరణ హెచ్చరిక కేంద్రం సోమవారం రాత్రి తెలిపింది. ఇది ప్రస్తుతం తీవ్ర అల్పపీడనంగా మారి కొనసాగుతోందని పేర్కొంది. అయితే ఈ అల్పపీడనం చాలా దూరాన ఉందని, రానున్న 24 గంటల్లో ఇది వాయుగుండంగా మారే అవకాశం ఉందని ఈ కేంద్రం తెలియజేసింది.