హైదరాబాద్/ వనస్థలిపురం, డిసెంబర్ 5: హైదరాబాద్ శివారులోని పెద్దఅంబర్‌పేట ఔటర్ రింగ్ రోడ్డుపై సోమవారం తెల్లవారు జామున ఘోర ప్రమాదం సంభవించింది. ప్రమాదవశాత్తు అదుపుతప్పిన ఆల్టో కారు డివైడర్‌ను ఢీకొట్టింది. కారు రెయిలింగ్‌కు రాసుకుంటూ పల్టీకొట్టడంతో ఒక్కసారిగా మంటలు చెలరేగాయి. దీంతో కారులోని నలుగురు యువకులు సజీవ దహనమయ్యారు. ప్రమాదానికి గురైన కారు నెంబర్ టిఎస్ 03ఈఎల్ 6551గా గుర్తించారు.

విజయవాడ, డిసెంబర్ 5: పోలవరం ప్రాజెక్టుకు అవసరమైన సిమెంట్‌ను తక్కువ ధరకే సరఫరా చేసేందుకు సిమెంట్ కంపెనీలు ముందుకొచ్చాయి. పోలవరం కాంక్రీటు పనులను డిసెంబర్ 19 నుంచి ప్రారంభించనున్నారు. జనవరిలో డయాఫ్రం వాల్, గేట్ల పనులను ప్రారంభించేందుకు ఏర్పాట్లు చేస్తున్నారు. వెలగపూడిలోని సచివాలయం నుంచి సోమవారం పోలవరం ప్రాజెక్టు పనులను ముఖ్యమంత్రి చంద్రబాబు నాయుడు వర్చ్యువల్ ఇన్‌స్పెక్షన్ నిర్వహించారు.

విశాఖపట్నం, డిసెంబర్ 4: పాకిస్తాన్‌పై విజయానికి గుర్తుగా ప్రతి ఏటా డిసెంబర్ 4న నిర్వహించే నౌకాదళ దినోత్సవం ఆద్యంతం ఉత్కంఠ భరితంగా విశాఖ ఆర్‌కె బీచ్ వేదికగా ఆదివారం జరిగింది. కేంద్ర పౌర విమానయాన శాఖ మంత్రి పి.అశోక్ గజపతిరాజు ముఖ్య అతిథిగా పాల్గొనగా, తూర్పు నౌకాదళ ప్రధానాధికారి హెచ్‌సిఎస్ బిస్త్ నేతృత్వంలో నేవీడే జరిగింది.

హైదరాబాద్, డిసెంబర్ 4: సినీ ఫక్కీలో ఓ పోలీస్ అధికారి, కాంగ్రెస్ నేతతో పాటు ఇద్దరు కానిస్టేబుళ్లు కలసి భారీ మోసానికి పాల్పడిన కేసులో పోలీసులు 24 గంటల్లోనే పురోగతి సాధించారు. ఈ కేసులో నిందితుడైన సిఐ రాజశేఖర్‌ను పోలీసులు ఆదివారం విజయవాడలో అరెస్టు చేశారు. కేవలం రూ.18 వేలకే తులం బంగారం ఇస్తామని నమ్మబలుకుతూ ఆయన బంజారాహిల్స్‌లోని ఓ గెస్ట్‌హౌస్‌ను కేంద్రంగా చేసుకుని అక్రమ దందా కొనసాగించారు.