హైదరాబాద్, సెప్టెంబర్ 13: ఏపిలో ప్రధాని నరేంద్ర మోదీ కంటే వెంకయ్యనాయుడుకే ఇమేజ్ ఎక్కువైంది. ఏపి బిజెపి ఇంచార్జి సిద్ధార్థ నాథ్ నుంచి జిల్లా పార్టీ అధ్యక్షుడి వరకూ అందరూ వెంకయ్యనే అభిమానిస్తున్నారు. ప్రత్యేక హోదా స్థానంలో ప్యాకేజీ ఇచ్చిన తర్వాత పార్టీ నేతల నుంచి కనిపిస్తున్న స్పందన, పవన్‌పై చేస్తున్న ఎదురుదాడి చూస్తుంటే ఇది నిజమమనిపించకమానదు.

విశాఖపట్నం, సెప్టెంబర్ 13: రాష్ట్రానికి ప్రత్యేక హోదా ఉద్యమానికి సినీ నటుడు, జనసేన అధినేత పవన్ కల్యాణ్ సారథ్యం వహిస్తే మేలన్న అభిప్రాయాన్ని కాంగ్రెస్ నేత, సామాజికవేత్త బొలిశెట్టి సత్యనారాయణ వ్యక్తం చేశారు. ఎంపీలను నిలదీయాలని, వారు రాజీనామా చేస్తారో? ఉద్యమానికి సహకరిస్తారో? చూడాలన్నారు.

హైదరాబాద్, సెప్టెంబర్ 12: తెలంగాణ విమోచన దినోత్సవాన్ని(సెప్టెంబర్ 17న) రాష్ట్రప్రభుత్వమే అధికారికంగా నిర్వహించాలని సామాజిక వేత్తలు, వివిధ ప్రజాసంఘాల నాయకులు డిమాండ్ చేశారు. సోమవారం కేంద్ర మంత్రి బండారు దత్తాత్రేయ అధ్యక్షతన రౌండ్ టేబుల్ సమావేశం జరిగింది. దత్తాత్రేయ మాట్లాడుతూ తెలంగాణ విమోచన దినోత్సవాన్ని ప్రభుత్వమే అధికారికంగా నిర్వహించాలని కోరనున్నట్లు చెప్పారు.

హైదరాబాద్, సెప్టెంబర్ 12: తెలంగాణ రాష్ట్రంలోని ఎంబిబిఎస్, బిడిఎస్ కోర్సులకు సంబంధించి ప్రభుత్వం ఫీజులను ఖరారు చేసింది. ప్రభుత్వం ఖరారు చేసిన ఫీజుల ప్రకారం ఎంబిబిఎస్‌లో ఎ కేటగిరికి 60వేలు, బి కేటగిరికి 11 లక్షలు చెల్లించాలి, సి కేటగిరి ఫీజు 22 లక్షలు ఉంటుంది. అలాగే బిడిఎస్‌లో ఏ కేటగిరి ఫీజు 45వేలు కాగా, బిడిఎస్‌లో బి, సి కేటగిరిల ఫీజు 2.7 లక్షలుగా నిర్ధారించారు.