గుంటూరు, సెప్టెంబర్ 15: నాలుగు రోజులుగా కురుస్తున్న భారీ వర్షాలకు గుంటూరు, ప్రకాశం జిల్లాల్లో వ్యవసాయ పంటలకు అపార నష్టం సంభవించింది. ఒక్క గుంటూరు జిల్లాలోనే 20 వేల హెక్టార్ల మేర వ్యవసాయ, ఉద్యానవన పంటలకు నష్టం వాటిల్లినట్లు అధికారులు ప్రాథమిక అంచనా వేశారు. గురజాల, మాచర్ల పట్టణాల్లోని పలు కాలనీలు ఇంకా నీట నానుతున్నాయి. ఐదు మండలాల్లో 120 కిలోమీటర్ల వరకు రోడ్లు కోతకు గురయ్యాయి.

హైదరాబాద్, సెప్టెంబర్ 15: ఆంధ్ర, తెలంగాణ రాష్ట్రాల్లోని విద్యుత్ వినియోగదారులకు శుభవార్త. తమ విద్యుత్ బిల్లులను వోడాఫోన్ ఎంపెసాతో ప్రయాణ సమయంలో కూడా చెల్లించవచ్చునని ఆ సంస్ధ బిజిసెన్ హెడ్ సురేష్ సేథీ తెలిపారు. నగదు బదిలీ, బిల్లులు, యుటిలిటీ చెల్లింపులు మర్చంట్ పేమెంట్స్, వ్యాపార పరిష్కారాలను అందించే వోడాఫోన్ రెండు తెలుగు రాష్ట్రాల్లో విద్యుత్ డిస్కాంలతో ఒప్పం దం కుదుర్చుకుంది.

భోపాల్, సెప్టెంబర్ 15: అందుబాటు ధరల్లో స్మార్ట్ఫోన్లు లభ్యమవుతుండడం, దేశవ్యాప్తంగా ఇంటర్నెట్ సేవలు విస్తరిస్తూ ఉండడంతో భారత్ ఆన్‌లైన్ వినియోగదారుల సంఖ్య 2020 నాటికి 50 కోట్లకు చేరుకోనుందని గూగుల్ సంస్థ ఆసియా పసిఫిక్ భాషల విభాగం చీఫ్ రిచాసింగ్ చిత్రాంశి చెప్పారు.

హైదరాబాద్, సెప్టెంబర్ 15: స్విస్ చాలెంజ్‌పై హైకోర్టు సింగిల్ జడ్జి ఇచ్చిన స్టేను సవాలు చేస్తూ ఏపి ప్రభుత్వం దాఖలు చేసిన అప్పీల్‌ను హైకోర్టు ధర్మాసనం విచారణకు స్వీకరించింది. అడ్వకేట్ జనరల్ దమ్మలపాటి శ్రీనివాస్ గురువారం ధర్మాసనం ఎదుట వాదనలు వినిపిస్తూ, అమరావతి రాజధాని నగరంలో అభివృద్ధి అనే అంశాన్ని రియల్ ఎస్టేట్ కోణంలో చూడరాదన్నారు.