విజయవాడ, సెప్టెంబరు 12: ‘రైతులు, వెనుకబడిన తరగతుల వారి సంక్షేమానికి ప్రభుత్వం కట్టుబడి ఉంది. వారికోసం వివిధ పథకాలు రూపకల్పన చేస్తున్నాం. అవి సక్రమంగా అమలు జరగాలంటే, బ్యాంకర్లు సహకరించాలి. కానీ అది జరగడం లేదు. ప్రభుత్వ ఆశయాన్ని బ్యాంకర్లు అర్థం చేసుకోవడం లేదు. ప్రభుత్వ పథకాల్లో భాగస్వాములు కాకపోతే, స్వచ్ఛందంగా వైదొలగండి’ అని బ్యాంకర్లపై ముఖ్యమంత్రి చంద్రబాబు నాయుడు ఆగ్రహం వ్యక్తం చేశారు.

హైదరాబాద్, సెప్టెంబర్ 12: ఆంధ్రప్రదేశ్ రాజధాని అమరావతి నిర్మాణం కోసం చేపట్టిన స్విస్ చాలెంజ్ విధానంపై హైకోర్టు స్టే విధించింది. అమరావతిలో 6.84 చదరపు కిలోమీటర్ల విస్తీర్ణంలో జరుగుతున్న నిర్మాణాలతోపాటు అనుబంధ నోటిఫికేషన్‌ను కూడా హైకోర్టు నిలిపివేసింది. ఈ మేరకు న్యాయమూర్తి జస్టిస్ ఎంఎస్ రామచంద్రరావు ఆదేశాలు జారీ చేశారు.

గుత్తి, సెప్టెంబర్ 12: ఆంధ్రప్రదేశ్ రోడ్డు రవాణా సంస్థలో కండక్టర్ పోస్టుల నియామకానికి మంగళం పాడనున్నట్టు తెలిసింది. ఈమేరకు చర్యలకు ప్రభుత్వం కార్యాచరణ రూపొందిస్తోంది. కర్నాటక తరహాలో డ్రైవర్లతోనే సర్వీసులు నిర్వహించాలని నిర్ణయించింది. ఇదే జరిగితే రాష్ట్రంలో దాదాపు 30వేల కండక్టర్ పోస్టుల నియమకాలు నిలిచిపోనున్నట్లు విశ్వసనీయవర్గాల సమాచారం.

హైదరాబాద్, సెప్టెంబర్ 11: అడవులను రక్షించుకోవడానికి, చెట్లను పెంచడానికి, వన్య ప్రాణులను కాపాడుకోవడానికి కంకణ బద్దులై పనిచేయాలని ముఖ్యమంత్రి కె చంద్రశేఖర్‌రావు పిలుపునిచ్చారు. సెప్టెంబర్ 11న నిర్వహించిన అటవీ అమరవీరుల సంస్మరణ దినోత్సవాన్ని పురస్కరించుకుని సిఎం తన సందేశాన్ని విడుదల చేశారు.