హైదరాబాద్, ఏప్రిల్ 22: హనుమాన్ జయంతిని పురస్కరించుకొని అంజనీ పుత్రుని శోభాయాత్ర నేత్రపర్వంగా సాగింది. గౌలిగూడ శ్రీరామ మందిరంలో శాంతి హోమంతో ప్రారంభమైన శోభాయాత్ర సికిందరాబాద్ తాడ్‌బంద్ ఆంజనేయ స్వామి దేవాలయం వరకు కొనసాగింది. ఈ శోభాయాత్రలో విహెచ్‌పి జాతీయ, అంతర్జాతీయ నాయకులు పాల్గొన్నారు. భారీ బందోబస్తు మధ్య మొత్తం 8.2 కిలోమీటర్లు సాగిన శ్రీ వీరహనుమాన్ విజయ యాత్ర ప్రశాంతంగా జరిగింది.

హైదరాబాద్, ఏప్రిల్ 22: ముఖ్యమంత్రి చంద్రబాబునాయుడు తమ పార్టీకి చెందిన ఎమ్మెల్యేలను ప్రలోభాలకు గురి చేస్తూ ఫిరాయింపులను ప్రోత్సహిస్తున్నారనే విషయమై రాష్ట్ర గవర్నర్ నరసింహన్‌ను కలవాలని వైకాపా అధ్యక్షుడు, జగన్ నిర్ణయించారు. శనివారం ఉదయం 11 గంటలకు రాజ్‌భవన్‌లో నరసింహన్‌ను కలిసి ఫిర్యాదు చేయనున్నట్లు వైకాపా ప్రకటించింది.

హైదరాబాద్, ఏప్రిల్ 22: హనుమాన్ శోభాయాత్ర సందర్భంగా నగరంలో ట్రాఫిక్ సమస్య తలెత్తకుండా వాహనాల మళ్ళింపు, ప్రత్యామ్నాయ మార్గాలను అనే్వషించిన పోలీసులు అత్యుత్సాహం చూపించారు. పోలీసులు నగరాన్ని అష్టదిగ్బంధనం చేయడంతో గంటల తరబడి ట్రాఫిక్ స్తంభించింది. ముందుకుపోలేక, వెనక్కి రాలేక వాహనదారులు ఉక్కిరిబిక్కిరయ్యారు. వడ దెబ్బతో ఓ భక్తుడు మృతి చెందాడు.

విశాఖపట్నం, ఏప్రిల్ 22: రాష్ట్రంలో పాలకవర్గాలు లేని నగరపాలక సంస్థలు, మున్సిపాలిటీలకు త్వరలో ఎన్నికలు నిర్వహించేందుకు ప్రభుత్వం సిద్ధంగా ఉందని ఆర్థికమంత్రి యనమల రామకృష్ణుడు స్పష్టం చేశారు. విశాఖపట్నంలో శుక్రవారం ఆయన విలేఖరులతో మాట్లాడుతూ విశాఖపట్నం, కాకినాడ, కర్నూలు నగర పాలకసంస్థలతో పాటు రాష్టవ్య్రాప్తంగా పలు మున్సిపాలిటీలకు ఎన్నికలు జరగలేదన్నారు.