విజయవాడ, ఏప్రిల్ 23: రెండు తెలుగు రాష్ట్రాల్లో కన్వీనర్ కోటాలో గల 1905 మెడికల్ పీజీ సీట్ల భర్తీ ప్రక్రియ ఆరంభమైంది. ఈ సారికి డాక్టర్ ఎన్టీఆర్ ఆరోగ్య శాస్త్ర విశ్వవిద్యాలయం రెండు తెలుగు రాష్ట్రాల్లో వేర్వేరుగా సీట్లభర్తీ ప్రక్రియను పూర్తి చేయనుంది. ఆంధ్రప్రదేశ్ వరకు దరఖాస్తుల పరిశీలన పూర్తయి శనివారం నుంచి తొలిసారిగా వెబ్ ఆప్షన్‌లు ప్రారంభమయ్యాయి.

న్యూఢిల్లీ, ఏప్రిల్ 23: ప్రైవేట్ ఆసుపత్రులు, వైద్యుల సేవలను వ్యవస్థీకృతం చేసి అదుపులోకి తెచ్చేందుకు ప్రైవేట్ ఆసుపత్రులను క్రమబద్ధీకరించేందుకు ప్రత్యేక రెగ్యులేటరీ అథారిటీని ఏర్పాటు చేయాలని తెలంగాణ కాంగ్రెస్‌కు చెందిన రాజ్యసభ సభ్యుడు మహమ్మద్ అలీ ఖాన్ కేంద్ర వైద్య, ఆరోగ్య మంత్రి జె.పి నడ్డాను కోరారు. ఖాన్ ఈ మేరకు నడ్డాకు లేఖ రాశారు.

ఏలూరు, ఏప్రిల్ 23: ‘నీరు అందుబాటులో ఉంటే అన్ని సమస్యలు పరిష్కారమవుతాయి. పరిశ్రమలు వస్తాయి. ఫలితంగా అభివృద్ధి సాధ్యమవుతుంది’ అని ముఖ్యమంత్రి చంద్రబాబునాయుడు ఉద్ఘాటించారు. వాన నీటిని భూగర్భ జలాలుగా మార్చుకోగలిగితే భవిష్యత్తు బంగారమవుతుందని ఆయన స్పష్టం చేశారు. ఆ దిశగా రాష్ట్ర ప్రజలను కార్యోన్ముఖులను చేసే కార్యక్రమానికి ‘నీరు - ప్రగతి’ అని పేరు పెట్టామన్నారు.

హైదరాబాద్, ఏప్రిల్ 23: హైదరాబాద్ మహానగర విస్తరణ, భవిష్యత్తు అవసరాలు, ట్రాఫిక్ జామ్‌ల నివారణ కోసం చేపట్టిన ప్రతిష్టాత్మక ప్రాజెక్టు ఎస్‌ఆర్‌డిపికి ఎలాంటి ఆటంకాలు లేకుండా తక్షణం పనులు ప్రారంభించాలని తెలంగాణ మున్సిపల్ వ్యవహారాల మంత్రి కె తారక రామారావు అధికారులను ఆదేశించారు. ఎస్‌ఆర్‌డిపి పనుల పురోగతిపై కెటిఆర్ శనివారం సమీక్షించారు.