హైదరాబాద్, ఏప్రిల్ 21: ఎంఐఎం పార్టీకి చెందిన చాంద్రాయణగుట్ట శాసనసభ్యుడు, శాసనసభ పక్ష నేత అక్బరుద్దీన్ ఒవైసీ, ఆదిలాబాద్ జిల్లా నిర్మల్ నియోజకవర్గం ఎంఐఎం అధ్యక్షుడు అజీమ్ బిన్ యాహ్యాలను ప్రాసిక్యూట్ చేసేందుకు తెలంగాణ ప్రభుత్వం అనుమతించింది. నిర్మల్ పోలీస్ స్టేషన్ పరిధిలో 2013లో జరిగిన బహిరంగ సభలో అనుచిత వ్యాఖ్యలు చేసినందుకు ఆ పోలీస్ స్టేషన్‌లో కేసు నమోదైంది.

హైదరాబాద్, ఏప్రిల్ 21: తెలంగాణ ముఖ్యమంత్రి కల్వకుంట్ల చంద్రశేఖర్‌రావుకు కాలిఫోర్నియా గవర్నర్ ఎడ్మండ్ జి బ్రౌన్ నుంచి ప్రత్యేక ఆహ్వానం అందింది. వాతావరణాన్ని పరిరక్షించేందుకు కాలిఫోర్నియాలో జరిగే అంతర్జాతీయ సదస్సుకు హాజరు కావాలని కెసిఆర్‌ను ఆహ్వానించారు. వాతావరణ మార్పు సమస్యకు ముఖ్యమంత్రి అమలు చేస్తున్న పరిష్కార మార్గాలను గవర్నర్ అభినందించారు.

ఒంటిమిట్ట, ఏప్రిల్ 21: ఒంటిమిట్ట కోదండ రామస్వామి బ్రహ్మోత్సవాల్లో భాగంగా గురువారం రథోత్సవం కన్నుల పండువగా సాగింది. అంతకుముందు శ్రీసీతారాములకు కల్యాణం నిర్వహించగా, అనంతరం స్వామివారు గజ వాహనంపై దర్శనమిచ్చారు. ఉదయం 8.55 గంటలకు శుభ ఘడియల్లో స్వామివారి రథోత్సవం ప్రారంభమైంది. రథోత్సవాన్ని తిలకించేందుకు జిల్లా నలుమూలల నుంచే కాకుండా ఇతర ప్రాంతాల నుంచి భక్తులు తండోపతండాలుగా తరలి వచ్చారు.

హైదరాబాద్, ఏప్రిల్ 21: విద్యుత్ శాఖలోని ఆస్తులు, ఉద్యోగుల పంపకంపై గురువారం ఇక్కడ ఆంధ్ర, తెలంగాణ రాష్ట్రాల సిఎండిల మధ్య జరిగిన సమావేశంలో ఆశించిన పురోగతి కనపడలేదు. ఇరు రాష్ట్రాల విద్యుత్ శాఖాధికారులు ఈ నెల 30న సమావేశం కావాలని నిర్ణయించారు. వరుసగా నాలు గు సంవత్సరాలు ఎక్కడ చదివిన అంశాన్ని స్థానికతగా పరిగణించాలని ఏపి అధికారులు కోరారు.