మంత్రాలయం, ఆగస్టు 25: ప్రసిద్ధ పుణ్యక్షేత్రం మంత్రాలయం శ్రీరాఘవేంద్ర స్వామి 347వ సప్తఆరాధనోత్సవాలు శనివారం ప్రారంభమయ్యాయి. పీఠాధిపతి శ్రీ సుభుదేంద్రతీర్థులు జ్యోతి ప్రజ్వలన చేసి ఉత్సవాలను ప్రారంభించారు. ఈ సందర్భంగా స్వామివారి మూల బృందావనానికి నిర్మల్య అభిషేకం, ఉత్సవరాయల పాదపూజ, పంచామృతాభిషేకం, కనక మహాపూజ నిర్వహించారు. శ్రీ మూలరాములకు పీఠాధిపతి ప్రత్యేక పూజలు నిర్వహించారు.

విజయవాడ (ఇంద్రకీలాద్రి) ఆగస్టు 25: దసరా మహోత్సవాలకు వచ్చే భక్తులకు అమ్మవారి ప్రసాదంగా ‘అప్పం’ ప్రసాదం ఇచ్చేందుకు నిర్ణయం తీసుకున్నట్లు నగరంలోని శ్రీ దుర్గా మల్లేశ్వరస్వామి దేవస్థానం ఈవో వీ కోటేశ్వరమ్మ తెలిపారు. ఇప్పటివరకు అమ్మవారిని దర్శించుకునే భక్తులకు లడ్డూ, పులిహోర ప్రసాదం మాత్రమే అందజేస్తున్నారు.

హైదరాబాద్, ఆగస్టు 25: నిస్వార్థ రాజకీయానికి నిలువెత్తు రూపంగా దివంగత ప్రధాని అటల్ బిహారీ వాజపేయి నిలుస్తారని శనివారం జరిగిన ఆయన సంతాప సభలో పాల్గొన్న నేతలు కొనియాడారు. భారత రత్న వాజపేయి అన్ని వర్గాల ప్రజలకు ఎన్నో పథకాలను అమలు చేసి ఎంతో మేలు చేశారని వక్తలు పేర్కొన్నారు. బీజేపీ, వీహెచ్‌పీ, ఆర్‌ఎస్‌ఎస్ సహా పలు పార్టీలు, సంస్థలకు చెందిన పలువురు ప్రముఖులు సంతాపసభలో పాల్గొన్నారు.

హైదరాబాద్, ఆగస్టు 25: 3వచ్చే నెల 2వ తేదీన టీఆర్‌ఎస్ నిర్వహించబోయేది ప్రగతి నివేదన సభ కాదు.. ప్రగతి లేని సభ, టీఆర్‌ఎస్ నేతల దోపిడీ నివేదన సభ2 అని పీసీసీ అధ్యక్షుడు ఎన్. ఉత్తమ్ కుమార్ రెడ్డి ధ్వజమెత్తారు. టీఆర్‌ఎస్ అధికారం చేపట్టిన తర్వాత ఏమి సాధించారని ప్రగతి నివేదన సభ నిర్వహించనున్నారని ఉత్తమ్ శనివారం తనను కలిసిన విలేఖరులతో ఇష్టాగోష్టిగా మాట్లాడుతూ అన్నారు.