హైదరాబాద్, జనవరి 6: రాష్ట్రంలో అడవులు రికార్డుల ప్రకారం 25శాతం విస్తీర్ణంలో ఉన్నా, వాస్తవానికి పది పదకొండు శాతానికి మించి లేవని పేర్కొంటూ, దీనిపై ఏం చేయాలో అంతా కలిసి ఆలోచించి నిర్ణయం తీసుకుందామని ముఖ్యమంత్రి కల్వకుంట్ల చంద్రశేఖర్‌రావు శుక్రవారం శాసన సభలో అన్నారు.

హైదరాబాద్, జనవరి 6: సర్కారు ఎస్సీ, ఎస్టీలను చిన్నచూపు చూస్తూ అవమాన పరుస్తోందని శాసన మండలిలో కాంగ్రెస్ పక్ష నేత షబ్బీర్ అలీ మండిపడ్డారు. సాయంత్రం 4 గంటలకు తిరిగి ప్రారంభమైన మండలి సమావేశంలో ఆయన మాట్లాడుతూ అగ్రవర్ణానికి చెందిన రాజీవ్ శర్మకు మూడుసార్లు పదవీ కాలాన్ని పొడిగించిన ప్రభుత్వం దళిత సామాజికవర్గానికి చెందిన ప్రదీప్‌చంద్రకు ఎందుకు పొడిగించలేదని ప్రశ్నించారు.

న్యూఢిల్లీ, జనవరి 6: హైదరాబాద్‌కు సమీపంలోని బీబీనగర్‌లో ఏర్పాటు చేయాల్సిన అఖిల భారత వైద్య విజ్ఞాన కేంద్రం(ఎయిమ్స్) ప్రతిపాదనను కేంద్ర బడ్జెట్‌లో చేర్చాలని టిఆర్‌ఎస్ ఎంపీలు వినోద్‌కుమార్, కొత్త ప్రభాకర్ రెడ్డి కోరారు. ఈమేరకు ఇద్దరు ఎంపీలు శుక్రవారం కేంద్ర కేంద్ర వైద్య శాఖ మంత్రి జెపి నడ్డాను కలిసి వినతి పత్రం అందజేశారు.

హైదరాబాద్, జనవరి 6: గచ్చిబౌలి స్టేడియంలో శనివారం నుంచి నాలుగు రోజుల పాటు జరుగనున్న ఆల్ ఇండియా ఫారెస్ట్ స్పోర్ట్స్ మీట్-2017ను ముఖ్యమంత్రి కె చంద్రశేఖర్‌రావు ప్రారంభించనున్నారు. అటవీశాఖ మంత్రి జోగు రామన్న శుక్రవారం సాయంత్రం శాసనసభలో ముఖ్యమంత్రి కెసిఆర్‌ను కలిసి స్పోర్ట్స్ మీట్‌ను ప్రారంభించాల్సిందిగా కోరారు.