విజయవాడ (కార్పొరేషన్), డిసెంబర్ 12: నవ్యాంధ్ర రాజధాని అమరావతి నగర నిర్మాణంపై సీఆర్‌డీఏ అంతర్జాతీయ స్థాయిలో ఈనెల 14, 15వ తేదీల్లో రెండు రోజుల వర్క్‌షాప్‌ను నిర్వహించనుంది. విజయవాడలోని ఒక హోటల్‌లో జరిగే ఈ వర్క్‌షాప్‌లో పాల్గొనాల్సిందిగా ప్రపంచ గుర్తింపు పొందిన అంతర్జాతీయ ఆర్కిటెక్ట్‌లు, ఇంజినీర్లను ఆహ్వానించారు.

విజయవాడ (క్రైం), డిసెంబర్ 12: చనిపోయినా.. విధులు నిర్వహించ వచ్చు.. అదేలా సాధ్యమంటే పోలీసుశాఖనే అడగాలి. వినడానికి విడ్డూరంగా ఉన్నా.. ఇది నిజం. ఎందుకంటే ఏడాది క్రితం మరణించిన అధికారి ఇంకా బతికే ఉన్నట్లు, పోలీసుశాఖలో పని చేస్తున్నట్లు భ్రమలో ఉన్న ఉన్నతాధికారులు ఏకంగా బదిలీ పోస్టింగ్ ఇస్తూ ఉత్తర్వులు జారీ చేశారు. ఆ తర్వాత నాలుక కరుచుకుని సవరణ ఆదేశాలిచ్చారు.

విజయవాడ, డిసెంబర్ 12: ఇక ఏటా సూర్య ఆరాధన ఉత్సవాలు కూడా నిర్వహించనున్నట్లు ముఖ్యమంత్రి చంద్రబాబు నాయుడు వెల్లడించారు. వెలగపూడి సచివాలయంలో వివిధ విభాగాధిపతులతో మంగళవారం నిర్వహించిన సమీక్షా సమావేశంలో సీఎం మాట్లాడుతూ దేవుడిని వివిధ రూపాల్లో పూజించడం అంటే ప్రకృతిని ఆరాధించడమేమన్నారు. ఇప్పటికే నిర్వహిస్తున్న ప్రతి ఏటా ఏరువాక, జలసిరికి హారతి వంటి ఉత్సవాలతో పాటు ఈ ఉత్సవాన్ని కూడా నిర్వహిస్తామన్నారు.

విజయవాడ, డిసెంబర్ 12: పాత రేట్లకు పని చేయడం కష్టమని, రేట్లు పెంచాలని త్రిసభ్య కమిటీ ముందు ముఖ్యమంత్రి చంద్రబాబు నాయుడు ప్రతిపాదన ఉంచారు. అయితే ప్రస్తుతం కేంద్రం ఉన్న పరిస్థితుల్లో రేట్లు పెంచడం సాధ్యం కాకపోవచ్చన్న అభిప్రాయాన్ని త్రిసభ్య కమిటీ వ్యక్తం చేసింది. వర్కు కన్సార్టియం ఏర్పాటుకు కూడా త్రిసభ్య కమిటీ అంగీకరించలేదు.