విశాఖపట్నం, నవంబర్ 2: శ్రీలంకను ఆనుకుని నైరుతి బంగాళాఖాతంలో ఏర్పడిన ఉపరితల ఆవర్తనం స్థిరంగా కొనసాగుతోందని విశాఖ తుపాను హెచ్చరికల కేంద్రం అధికారులు గురువారం రాత్రి తెలిపారు. దీనికి అనుగుణంగా అల్పపీడనం కొనసాగుతోందన్నారు. దీని ప్రభావంతో రాగల 24 గంటల్లో దక్షిణ కోస్తాలో పలు చోట్ల ఉరుములతో కూడిన జల్లులు కురిసే అవకాశం ఉందని, ఒకటి, రెండు చోట్ల ఒక మోస్తరు వర్షాలు కురుస్తాయన్నారు.

శ్రీకాళహస్తి, నవంబర్ 2: రాష్ట్రంలో దేవాలయాలు వ్యాపార కేంద్రాలుగా మారుతున్నాయని, ఇది మంచి పరిణామం కాదని విశాఖపట్టణం శారదా పీఠాధిపతి స్వరూపానందేంద్ర సరస్వతి ఆవేదన వ్యక్తం చేశారు. తెలంగాణలో కన్నా ఆంధ్రప్రదేశ్‌లో ఆలయాలు ఎక్కువగా ఉన్నాయన్నారు. అయితే దర్శనం టిక్కెట్లు, ప్రసాదాలు, అభిషేకాల టిక్కెట్లను ఇష్టమొచ్చినట్లుగా పెంచుతున్నారని, ఇది మంచి పద్దతి కాదన్నారు.

విజయవాడ, నవంబర్ 2: టిడిపి సీనియర్ నేత కింజరపు ఎర్రన్నాయుడు ఐదో వర్ధంతిని గుంటూరులోని రాష్ట్ర తెలుగుదేశం పార్టీ కార్యాలయంలో నిర్వహించారు. ఈసందర్భంగా పార్టీ నేతలు ఎర్రన్నాయుడు చిత్రపటానికి పూలమాలలు వేసి నివాళులర్పించారు.

విజయవాడ, నవంబర్ 2: కిడ్నీ బాధితులను ప్రభుత్వం ఆదుకుంటున్నట్లు ప్రచారం జరుగుతుండటంతో సాయం కోసం మరింత మంది ముందుకొస్తున్నారు. దీంతో అదనంగా చేరినవారితో సెర్ప్ అందిస్తున్న కిడ్నీ బాధితుల పింఛన్లు అక్టోబర్‌లో మరో 215 పెరిగాయి. వీరికి ఇతర పెన్షన్లు ఇస్తున్నప్పటికీ ఈ సహాయం కొనసాగుతోంది. ఈ విధానం ఆగస్టు నుంచి అమల్లోకి వచ్చింది. దాంతో నిరుపేద కిడ్నీ బాధితులకు ప్రతినెలా రూ.