న్యూఢిల్లీ: తెలంగాణ ముఖ్యమంత్రి కల్వకుంట్ల చంద్రశేఖరరావు ప్రధాన మంత్రి నరేంద్ర మోదీతో జరిపిన సుదీర్ఘ సమావేశంలో దేశ రాజకీయాలపై సమాలోచన జరిపినట్లు తెలిసింది. అసెంబ్లీ ఎన్నికల్లో ఘనవిజయం సాధించిన చంద్రశేఖరరావు ఫెడరల్ ఫ్రంట్ పేరుతో జాతీయ రాజకీయాల్లో కీలకపాత్ర నిర్వహించేందుకు ప్రయత్నాలు ప్రారంభించిన విషయం తెలిసిందే.

న్యూఢిల్లీ: దేశంలోని వివిధ ప్రాంతాల్లో విధ్వంసం సృష్టించేందుకు కుట్రపన్నిన పది మంది ఐఎస్‌ఐఎస్ ఉగ్రవాద అనుమానితులను నేషనల్ ఇన్విస్టిగేషన్ ఏజన్సీ (ఎన్‌ఐఏ) పోలీసులు బుధవారం అరెస్టు చేశారు. ఈ అనుమానితులు రాజకీయనాయకులు, ప్రభుత్వ కార్యాలయాలను లక్ష్యంగా చేసుకుని ఆత్మహుతి దాడులకు పాల్పడాలని పన్నాగం పన్నినట్లు ఎన్‌ఐఏ పోలీసులు చెప్పారు. ఢిల్లీ పరిసరాలు, ఉత్తరాది రాష్ట్రాల్లో పేలుళ్లకు రచన చేశారు.

అలీగఢ్, డిసెంబర్ 25: ఐదేళ్ల క్రితం తప్పిపోయిన బాలి క.. అందులోనూ మానసిక దివ్యాంగురాలు తిరిగి కుటుంబ సభ్యులను కలుసుకుంది. ఇదేదో సినిమా సీను కాదు.. నిజజీవితంలోనూ ఇలాంటి సంఘటనలు చాలా అరుదుగానే జరుగుతుంటాయి. వివరాల్లోకి వెళితే.. ఐదేళ్ల క్రితం 12ఏళ్ల వయసులో చంచల తన తల్లిదండ్రులతో కలిసి కేదార్‌నాథ్ యాత్రకు వెళ్లింది. అదే సమయంలో పెనువిపత్తు సంభవిం చి వరద నీటిలో ఈ కుటుంబం చెల్లాచెదురైంది.

న్యూఢిల్లీ, డిసెంబర్ 25: దేశ రాజధాని ఢిల్లీలో రోజురోజుకూ విషమిస్తున్న వాయు కాలుష్యంపై ముఖ్యమంత్రి అరవింద్ కేజ్రీవాల్ స్పందించారు. ‘ ప్రైవేటు వాహనాలను క్రమబద్ధం చేయడానికి అవసరమైతే బేసి-సరి నంబర్ విధానం అమలు చేస్తాం’అని మంగళవారం ఇక్కడ ప్రకటించారు. కాలుష్య తీవ్రతపై ఆయన తీవ్ర ఆందోళన వ్యక్తం చేశారు. నగరంలో కాలుష్యకారక ప్రైవేటు వాహనాలను కట్టడి చేయాల్సిన అవసరం ఉందన్నారు.