పానాజీ, డిసెంబర్ 21: తన పదవిని కాపాడుకునేందుకు రాఫెల్ డీల్ వ్యహారంపై ప్రధాని నరేంద్రమోదీని గోవా ముఖ్యమంత్రి మనోహర్ పారికర్ బ్లాక్ మెయిల్ చేస్తున్నారని సీనియర్ కాంగ్రెస్ నేత ఎస్ జైపాల్ రెడ్డి ఆరోపించారు. శుక్రవారం ఇక్కడ కాంగ్రెస్ పార్టీ నిర్వహించిన జన్ ఆక్రోశ్ ర్యాలీని ఉద్దేశించి ఆయన మాట్లాడుతూ పారికర్ తీవ్రమైన అనారోగ్యంతో బాధపడుతున్నారని, దీని వల్ల రాష్ట్రంలో పాలన స్తంభించిందన్నారు.

న్యూఢిల్లీ: దర్యాప్తు సంస్థలకు విస్తత్ర అధికారాలు కల్పిస్తూ జారీచేసిన ఉత్తర్వులపై రాజ్యసభలో చర్చ జరిగింది. ఈ గెజిట్ వ్యక్తిగత స్వేచ్ఛను హరించేదిగా ఉందని కాంగ్రెస్ సభ్యులు ఆందోళనకు దిగారు. ఇది గతంలో కాంగ్రెస్ ప్రభుత్వం జారీ చేసిన గెజిట్ అని దీనిని మళ్లీ జారీ చేశామని ఆర్థిక మంత్రి అరుణ్ జైట్లీ వివరణ ఇచ్చారు. దేశ భద్రతపై కాంగ్రెస్ పార్టీకి చిత్తశుద్ధి లేదని జైట్లీ అన్నారు.

ముంబయి: షోహ్రబుద్దీన్ ఎన్‌కౌంటర్ కేసులో 22 మందికి ఊరట లభించింది. ఈ మేరకు ముంబయి స్పెషల్ సీబీఐ కోర్టు 22 మంది పోలీసు ఆఫీసర్లను నిర్దోషులుగా స్పష్టం చేసింది. పోలీసు అధికారులను నిందించటానికి సరైన ఆధారాలు లేవని పేర్కొంది. షోహ్రాబ్ ఎన్‌కౌంటర్ 2005, నవంబర్ 25న జరిగింది. ఆరపణలు ఎదుర్కొంటున్న 22మందిలో రాజస్థాన్, గుజరాత్ జూనియర్ స్థాయ పోలీసులే ఉన్నారు.

బెంగళూరు: కర్ణాటకలోని సులవడి గ్రామంలో ఉన్న మారెమ్మ ఆలయంలో ప్రసాదం తిని 15 మంది భక్తులు మృతిచెందిన విషయం విదితమే. ఈ కేసులో అరెస్టు అయిన ఆలయ పూజారి ఇమ్మడి మహాదేవ్ నేరాన్ని అంగీకరించారు. ప్రసాదంలో తామే పురుగుల మందు కలిపామని పోలీసుల విచారణలో వెల్లడించారు.