ఖమ్మం, ఏప్రిల్ 29: వచ్చే నెల 1, 2 తేదీల్లో జరగాల్సిన టెట్, ఎంసెట్ పరీక్షలను ఈ నెల 20వ తేదీలోగా నిర్వహించేందుకు చర్యలు చేపడుతున్నట్లు ఉప ముఖ్యమంత్రి, విద్యాశాఖామంత్రి కడియం శ్రీహరి వెల్లడించారు. శుక్రవారం ఖమ్మంలో ఆయన విలేఖరులతో మాట్లాడుతూ 1 టెట్, 2న ఎంసెట్ పరీక్షలు నిర్వహించాల్సి ఉందని, ప్రైవేటు కళాశాలల్లో తనిఖీలు ముమ్మరం చేయటంతో ఆ కళాశాలలన్నీ జెఏసిగా ఏర్పడి పరీక్షకు సహకరించలేదన్నారు.

న్యూఢిల్లీ, ఏప్రిల్ 29: ఎపికి ప్రత్యేక హోదా సహా రాష్ట్ర సమస్యలు పరిష్కారానికి వైకాపా సహకరిస్తుందని ఆ పార్టీ ఎంపీ మేకపాటి రాజమోహన్‌రెడ్డి స్పష్టం చేశారు. అయితే ముఖ్యమంత్రి చంద్రబాబుకి రాష్ట్ర సమస్యల పరిష్కారంపై ధ్యాస లేదని, ఎంతసేపూ వైకాపా ఎమ్మెల్యేలను టిడిపిలో చేర్చుకోవాలనే చూస్తున్నారని ఆయన విమర్శించారు.

గురజాల/దాచేపల్లి, ఏప్రిల్ 29: పంట సంజీవని పథకం ద్వారా భూగర్భ జలాలను పెంపొందించి రాష్ట్రాన్ని కరవు రహిత రాష్రంగా తీర్చిదిద్దడమే తన ప్రధాన ధ్యేయమని ముఖ్యమంత్రి చంద్రబాబు అన్నారు. గుంటూరు జిల్లా గురజాల నియోజకవర్గంలోని దాచేపల్లి మండలంలోని నడికుడిలో పంట సంజీవని పథకాన్ని శుక్రవారం ఆయన ప్రారంభించారు. ఈ సందర్భంగా రైతులు, కూలీలతో కొంత సమయం ముచ్చటించారు.

విశాఖపట్నం, ఏప్రిల్ 29: ‘దేవాలయాల్లో నిత్యం భగవంతునికి ధూప దీప నైవేధ్యాలర్పించే అర్చకులు ఉపాధి కూలీల పాటి చేయరా!, అర్చకులకు కనీస వేతనం అమలు చేయకుండా పాలకులు ఇంత నిర్లక్ష్యంగా వ్యవహరించడం ఎంతవరకు సమంజసం’ అంటూ విశాఖ శ్రీ శారదాపీఠాధిపతి శ్రీ స్వరూపానందేంద్ర సరస్వతి స్వామీజీ మండిపడ్డారు. నవ్యాంధ్ర అర్చక సంక్షేమ సంఘం ప్రతినిధులు స్వామీజీని శుక్రవారం కలిసి తమ గోడు వెళ్లబోసుకున్నారు.