హైదరాబాద్, ఏప్రిల్ 28: మానవీయకోణంలో పారిశ్రామికాభివృద్ధి జరగాలని పరిశ్రమల శాఖ మంత్రి కె.తారకరామారావు అన్నారు. రాష్ట్రంలో పరిశ్రమల అభివృద్ధి కోసం అనేక నూతన విధానాలను చేపట్టడానికి సిద్ధమని మంత్రి స్పష్టం చేశారు. బషీర్‌బాగ్‌లోని పరిశ్రమల భవన్‌లో అధికారులతో గురువారం మంత్రి కెటిఆర్ సమీక్షా సమావేశం నిర్వహించారు. రాష్ట్రంలో పరిశ్రమల అభివృద్ధికి తీసుకోవాల్సిన చర్యలపై అధికారులను అడిగి తెలుసుకున్నారు.

న్యూఢిల్లీ, ఏప్రిల్ 25: పోలవరం ప్రాజెక్టు ముంపుప్రభావిత నిర్వాసితులకు న్యాయం చేయాలంటూ సామాజికవేత్త పెంటపాటి పుల్లారావువేసిన పిటిషన్‌ను గురువారం సుప్రీం కోర్టు తోసిపుచ్చింది. ముంపునిర్వాసితును నూత న భూసేకరణ చట్ట పరిధిలోకి తీసుకురావాలంటూ ఈ పిటిషన్ సుప్రీం కోర్టు ప్రధాన న్యాయమూర్తి జస్టిస్ ఠాకూర్, జస్టిస్ భానుమతి, జస్టిస్ ఉదయ్ ఉమేశ్ లలిత్‌తో కూడిన ధర్మాసనం ముందుకొచ్చింది.

హైదరాబాద్, ఏప్రిల్ 28: ఒకే పోస్టర్‌లో సోనియాగాంధీ, రాహుల్ గాంధీ, ఎన్టీఆర్, చంద్రబాబు, వైఎస్ రాజశేఖర్‌రెడ్డి, జగన్‌లు కాంగ్రెస్‌కు ఓటు వేయమని ప్రజలకు పిలుపు ఇస్తే ఎలా ఉంటుంది? చూసేందుకు వింతగా అనిపించినా ఇప్పుడు ఖమ్మం జిల్లా పాలేరులో ఈ పోస్టర్ ఓ సంచలనం. భవిష్యత్తు రాజకీయాలను ప్రతిబింబించే విధంగా ఉన్న ఈ పోస్టర్‌లానే తెలంగాణ రాజకీయాలు మారనున్నాయి.

హైదరాబాద్, ఏప్రిల్ 28: దక్షిణ మధ్య రైల్వేకు జాతీయ స్థాయి రైల్ మంత్రి రాజభాష షీల్డ్ లభించింది. హిందీ యేతర భాషలు మాట్లాడే దక్షిణాది రాష్ట్రా ల్లో దేశ అధికార భాష హిందీని అమలు చేయడంలో అత్యుత్తమ ప్రతిభ కనబర్చినందుకు ఈ షీల్డ్ లభించింది.