భీమవరం, మార్చి 19: నరసాపూర్-విశాఖపట్నం (నెం.17241, 17242) సింహాద్రి ఎక్స్‌ప్రెస్ రైలును మంగళవారం నుంచి రద్దుచేస్తూ రైల్వేశాఖ నిర్ణయం తీసుకుంది. నరసాపూర్ నుండి ప్రతి రోజూ ఉదయం ఆరు బోగీలతో బయలుదేరే ఈ ఎక్స్‌ప్రెస్ రైలును లింకు ఎక్స్‌ప్రెస్‌గా గత కొన్ని దశాబ్దాలుగా నడుపుతున్నారు. ఈ రైలు నిడదవోలు చేరుకున్నాక, గుంటూరు నుండి విశాఖపట్నం వెళ్లే సింహాద్రి ఎక్స్‌ప్రెస్‌కు ఈ ఆరు బోగీలను కలిపేశారు.

హైదరాబాద్: హైదరాబాద్‌లోని కోటీ వద్ద ఉద్రిక్తత పరిస్థితి తలెత్తింది. శ్రీరామ రథయాత్ర పేరిట విహెచ్‌పీ కార్యకర్తలు చేస్తున్న యాత్రకు పోలీసులు అనుమతి ఇవ్వలేదు. పోలీసులు దుకాణాలు వేశారు. రథయాత్రను కోటీ వద్దకు తీసుకరావటంతో ఉద్రిక్తత పరిస్థితులు తలెత్తుతాయని పోలీసులు దుకాణాలను మూసివేశారు. కొంతమంది కార్యకర్తలను అరెస్టు చేశారు.

గుంటూరు: జిల్లాలోని వినుకొండలో నిషేధిత గుట్కా ప్యాకెట్లను పోలీసులు స్వాధీనం చేసుకున్నారు. హైదరాబాద్ నుంచి నరసరావుపేటకు తరలిస్తుండగా వినుకొండ పోలీసులు వీటిని స్వాధీనం చేసుకున్నారు. వీటి విలువ 7.25 లక్షలు ఉంటుంది. 24 బస్తాల గుట్కా ప్యాకెట్లు, 4లక్షల రూపాయల నగదు స్వాధీనం చేసుకున్నారు.

విశాఖపట్నం: తమ వల్లే చంద్రబాబు అధికారంలోకి వచ్చారని బీజేపీ ఎమ్మెల్యే విష్ణుకుమార్ రాజు అన్నారు. ఆయన సోమవారంనాడిక్కడ ఓ కార్యక్రమంలో మాట్లాడుతూ.. ఇకపై ప్రజా సమస్యలపై పోరాడతామని అన్నారు. టీడీపీ నాయకుల అవినీతి పెరిగిపోయిందని, ఇసుక మాఫీయాలు దోచుకుంటున్నాయని ఆరోపించారు. ఈ ఏడాది రైల్వే జోన్ ఏర్పాటు అవుతుందని అన్నారు.