హైదరాబాద్, సెప్టెంబర్ 17: ఉపాధ్యాయులు ప్రభుత్వ విద్య పటిష్టతకు పునరంకితం కావాలని ఉప ముఖ్యమంత్రి, విద్యాశాఖ మంత్రి కడియం శ్రీహరి అన్నారు. త్వరలోనే ఉపాధ్యాయుల ఏకీకృత సర్వీస్ నిబంధనలు ఖరాలు చేసి పదోన్నతులు కల్పిస్తామని చెప్పారు. గత కొనే్నళ్లగా నిర్లక్ష్యానికి గురైన ప్రభుత్వ విద్యను గత మూడేళ్లగా గాడిలో పెడుతున్నామని అన్నారు. రాష్ట్రోపాధ్యాయ సంఘం 70 ఏళ్ల ఉద్యమోత్సవంలో కడియం పాల్గొని ప్రసంగించారు.

హైదరాబాద్, సెప్టెంబర్ 17: తెలంగాణ విమోచన (విలీన) దినోత్సవాన్ని ఆదివారం మజ్లిస్ మినహా అన్ని పార్టీలు ఘనంగా నిర్వహించాయి. జాతీయ జెండా ఎగుర వేశారు. ముఖ్య నేతలు తమ ప్రసంగాల్లో తెలంగాణకు విమోచన కలిగేందుకు ముఖ్య కారకుడైన నాటి హోం మంత్రి సర్దార్ వల్లభాయ్ పటేల్ చొరవను కీర్తిస్తూ, ప్రస్తుత ప్రభుత్వం అధికారికంగా నిర్వహించకుండా వెనకడుగు వేయడాన్ని తూర్పారబట్టారు.

కొత్తగూడెం, సెప్టెంబర్ 17: భద్రాద్రి కొత్తగూడెం జిల్లా అన్నపురెడ్డిపల్లి మండలం మద్దుగూరు వద్ద ఆదివారం జరిగిన రోడ్డు ప్రమాదంలో ఇద్దరు మృతి చెందారు. మణుగూరు నుండి విజయవాడ వైపు వెళుతున్న ఆర్టీసీ బస్సును సత్తుపల్లి నుండి కొత్తగూడెం వైపు వస్తున్న బొగ్గు టిప్పర్ ఢీకొనడంతో ఈ దుర్ఘటన జరిగింది.

హైదరాబాద్, సెప్టెంబర్ 17: తెలంగాణ రాష్ట్రంలో గత ఏడాదితో పోలిస్తే ఈ ఏడు పంటలు సాగయిన భూముల విస్తీర్ణం పెరిగింది. రాష్ట్రంలో ఖరీఫ్ సీజన్‌లో 108 లక్షల ఎకరాల్లో పంటలు సాగుకావలసి ఉండగా, ఈ ఏడు సెప్టెంబర్ రెండోవారం వరకు 96 లక్షల ఎకరాల్లో పంటల సాగు అయింది. గత ఏడాది ఇదే సమయానికి కేవలం 92 లక్షల ఎకరాల్లోనే పంటల సాగు జరిగింది. వరినాట్లు చాలా ప్రాంతాల్లో ఇంకా కొనసాగుతున్నాయి.