విజయవాడ, ఫిబ్రవరి 19: వైకాపా అధినేత జగన్, బీజీపీల మధ్య రహస్య ఒప్పందం జరిగిందని ఉప ముఖ్యమంత్రి చినరాజప్ప ఆరోపించారు. వెలగపూడి సచివాలయంలో సోమవారం ఆయన మీడియాతో మాట్లాడుతూ జగన్, బీజేపీలు ఎన్నడూ విమర్శించుకోని విషయాన్ని గుర్తు చేశారు. జగన్‌ను బీజేపీ నేతలు విమర్శించరని, బీజేపీ నేతలను కూడా జగన్ పల్లెత్తు మాట అనరని ఆరోపించారు.

విజయవాడ, ఫిబ్రవరి 19: గ్రామ రెవెన్యూ సహాయకుల సమస్యలను పరిష్కరిస్తామని రాష్ట్ర పంచాయితీరాజ్ శాఖ మంత్రి లోకేష్ హామీ ఇచ్చారు. వెలగపూడి సచివాలయంలో ఆయనను గ్రామ రెవెన్యూ సహాయకులు సోమవారం కలిశారు. 4500 మంది డైరెక్టు రిక్రూట్‌మెంట్ విఆర్‌ఏలకు రికార్డు అసిస్టెంట్ స్కేల్ ఇచ్చి రెగ్యులరైజ్ చేయాలని కోరారు.

విజయవాడ, ఫిబ్రవరి 19: కేంద్ర బడ్జెట్‌లో ఏపీకి అన్యాయం జరిగిందని టీడీపీ నేతలు ఆందోళన చేస్తున్న నేపథ్యంలో బీజేపీ అధిష్ఠానానికి రెండు ప్రత్యామ్నాయాలు ఇచ్చామని రాష్ట్ర దేవదాయ, ధర్మదాయ శాఖ మంత్రి మాణిక్యాలరావు వెల్లడించారు. తమ పార్టీ అధిష్ఠానం ఆదేశిస్తే, నిమిషంలో రాజీనామాలు చేసేందుకు సిద్ధమని స్పష్టం చేశారు.

విజయవాడ, ఫిబ్రవరి 19: రాబోయే బడ్జెట్‌లో ఆంధ్రప్రదేశ్ ప్రభుత్వం విద్యకు, యువతకు పెద్దపీట వేయనుంది. రాష్ట్రంలో విద్యాభివృద్ధికి ఇప్పటికే ప్రభుత్వం అధిక ప్రాధాన్యత ఇస్తోంది. డ్రాపౌట్స్ నిరోధంపై ప్రత్యేక దృష్టి సారించింది. ఇప్పటికే పదో తరగతి వరకూ మధ్యాహ్నం భోజన అమలు చేస్తోంది. పేద విద్యార్థులకు మరింత మేలు కలిగే విధంగా ఉదయం టిఫిన్ అందజేయాలనే ఆలోచన చేస్తోంది.