ఆదోని, మే 1: వాడి-గుంతకల్లు రైల్వేస్టేషన్ల మధ్య జరుగుతున్న రైల్వేలైన్ విద్యుదీకరణ పనులు త్వరలో పూర్తి చేస్తామని గుంతకల్లు రైల్వే డివిజనల్ మేనేజర్ అమితాబ్ ఓజా పేర్కొన్నారు. ఆదోని రైల్వేస్టేషన్‌ను సోమవారం తనిఖీచేసిన ఆయన అనంతరం విలేఖరులతో మాట్లాడారు. వాడి- గుంతకల్లు స్టేషన్ల మధ్య జరుగుతున్న విద్యుదీకరణ పనుల్లో పురోగతి ఉందన్నారు. ప్రస్తుతం సూగూరు వరకు విద్యుదీకరణ పనులు పూర్తయ్యాయన్నారు.

విజయవాడ, మే 1: రాష్ట్రంలోని ఖాళీగా ఉన్న వివిధ జెడ్పీటిసి, ఎంపిటిసి స్థానాలకు ఉప ఎన్నికలు నిర్వహించేందుకు రాష్ట్ర ఎన్నికల కమిషన్ సోమవారం నోటిఫికేషన్ జారీ చేసింది. రెండు జెడ్పీటిసి స్థానాలకు, 17 ఎంపిటిసి స్థానాలకు ఎన్నికలు నిర్వహించనున్నారు. పశ్చిమ గోదావరి జిల్లా వేలేరుపాడు జెడ్పీటిసి స్థానానికి, కుక్కునూరు జెడ్పీటిసి స్థానానికి ఎన్నిక జరగనుంది.

విజయవాడ, మే 1: 2019 సార్వత్రిక ఎన్నికలకు రాష్ట్రంలో భారతీయ జనతాపార్టీని బలోపేతం చేసేందుకు విశాఖలో జరిగిన రాష్ట్ర కార్యవర్గ సమావేశంలో నిర్ణయం తీసుకున్నట్టు పార్టీ రాష్ట్ర ప్రధాన కార్యదర్శి జమ్ముల శ్యాంకిషోర్ తెలిపారు. భారతీయ జనతాపార్టీ రాష్ట్ర కార్యాలయంలో సోమవారం జరిగిన విలేఖరుల సమావేశంలో ఆయన మాట్లాడుతూ పార్టీ రాష్ట్ర కార్యవర్గ సమావేశాలు గత నెల 29, 30న విశాఖలో జరిగాయన్నారు.

విజయవాడ, మే 1: అవయవదానంపై భారీస్థాయిలో అవగాహనా కార్యక్రమం నిర్వహించనున్నట్టు రాష్ట్ర శాసనసభ సభాపతి కోడెల శివప్రసాదరావు తెలిపారు. సోమవారం అసెంబ్లీ కాన్ఫరెన్స్ హాలులో జరిగిన విలేఖరుల సమావేశంలో ఆయన మాట్లాడారు. గుంటూరు జిల్లా నర్సరావుపేటలో మంగళవారం నిర్వహించబోయే కార్యక్రమానికి 10వేల మందికి పైగా హాజరవుతారని స్పీకర్ చెప్పారు.