విజయవాడ, సెప్టెంబర్ 30: దక్షిణ భారతదేశంలో సుప్రసిద్ధ పుణ్యక్షేత్రాల్లో అత్యంత ప్రాధాన్యత కల్గిన శక్తి పీఠం.. శ్రీ దుర్గామల్లేశ్వర స్వామివార్ల దేవస్థానంలో దసరా మహోత్సవాలు శననివారం తెల్లవారుఝాము నుంచి ప్రారంభం కాబోతున్నాయి. 11వ తేదీ వరకు జరిగే ఈ ఉత్సవాల నిర్వహణకు దాదాపు ఏడుకోట్ల రూపాయలు పైగా వెచ్చిస్తున్నారు.

హైదరాబాద్, సెప్టెంబర్ 30: ఆంధ్రప్రదేశ్‌లో ఇటీవల నిర్వహించిన 2011 గ్రూప్-1 మెయిన్ పరీక్షలో ఐదో పేపర్‌లో ఇచ్చిన గణిత ప్రశ్నలు సిలబస్‌లో లేనివేనని ఫలితంగా 30 మార్కులను విద్యార్ధులు నష్టపోవల్సి వచ్చిందని డివైఎఫ్‌ఐ కార్యదర్శి ఎం సూర్యారావు తెలిపారు. సిలబస్‌కు సంబంధం లేని మూడు ప్రశ్నలు తొలగించడం ద్వారా అభ్యర్ధులు మధ్య సమతుల్యతను పాటించాలని డివైఎఫ్‌ఐ రాష్ట్ర కమిటీ డిమాండ్ చేసింది.

కర్నూలు, సెప్టెంబర్ 30: ఉగ్రవాద దాడులు జరుగవచ్చన్న హెచ్చరికల నేపధ్యంలో శ్రీశైలం ప్రాజెక్టు వద్ద భద్రతను మరింత పటిష్టం చేశారు. ఈ మేరకు జిల్లా పోలీసు యంత్రాంగానికి రాష్ట్ర ప్రభుత్వం శుక్రవారం ఆదేశాలు జారీ చేసింది. భారత్, పాకిస్తాన్ మధ్య నెలకొన్న ఉద్రిక్త పరిస్థితుల నేపధ్యంలో ఉగ్రదాడులకు ఎలాంటి ఆస్కారం ఇవ్వకుండా ఉండేందుకు ముందస్తు చర్యల్లో భాగంగా భద్రత మరింత పెంచాలని ఆదేశాలందాయి.

విశాఖపట్నం, సెప్టెంబర్ 29: అండమాన్‌లోని పోర్టుబ్లెయిర్‌కు బయలుదేరిన నౌక ప్రయాణికులకు నరకం చూపించింది. సాంకేతిక లోపంలో నిలిచిపోయిన నౌకలో దాదాపు రెండున్నర రోజుల అష్టకష్టాలు పడ్డారు. భోజనం, నీటి సౌకర్యం లేక ఇబ్బందులు పడ్డారు. విశాఖలోని జెట్టీకి బుధవారం అర్ధరాత్రి దాటాక సుమారు 2 గంటల సమయానికి నౌక చేరుకున్నప్పటికీ అధికారులు నిర్ణయం తీసుకోవడంలో జాప్యం కారణంగా 14 గంటల పాటు నిరీక్షించాల్సి ఉంది.