ఖమ్మం, మే 21: పాలేరు నియోజకవర్గంలో తిరుమలాయపాలెం మండలాన్ని ఆధునిక వ్యవసాయంతో అభివృద్ధి బాట పట్టిస్తానని రాష్ట్ర రోడ్లు, భవనాల శాఖామంత్రి తుమ్మల నాగేశ్వరరావు అన్నారు. ఖమ్మం జిల్లా తిరుమలాయపాలెం మండలంలో ఆయన విలేఖరులతో మాట్లాడుతూ వ్యక్తిగత ప్రయోజనాలను పక్కనబెట్టి పాలేరు నియోజకవర్గం అభివృద్ధి కోసం ప్రజల మనోభావాలకు అనుగుణంగా నడుచుకుంటానని స్పష్టం చేశారు.

ఆదిలాబాద్, మే 21: గోదావరి నదీ జలాల చారిత్రక ఒప్పందంలో భాగంగా పెన్‌గంగా నదిపై నిర్మించతలపెట్టిన చెనాక కొరాట బ్యారేజీ నిర్మాణ పనులకు మహారాష్ట్ర నుంచి ఎట్టకేలకు గ్రీన్‌సిగ్నల్ లభించింది.

హైదరాబాద్,మే 21: మూస పద్ధతిలో కాకుండా వినూత్నంగా ఆలోచించి వాణిజ్య పన్నుల వ్యవస్థను, వసూళ్లను పటిష్ట పర్చాలని సిఎం కెసిఆర్ అధికారులను ఆదేశించారు. సరిగ్గా పన్నులు కట్టేవారికి ప్రోత్సాహకంగా, పన్నులు ఎగవేసే వారిపట్ల కఠినంగా, బాగా పని చేసే అధికారులను వెన్నుతట్టేలా కార్యక్రమాలకు రూపకల్పన చేయాలని సూచించారు. వాణిజ్య పన్నుల శాఖపై క్యాంపు కార్యాలయంలో శనివారం సమీక్ష నిర్వహించారు.

విజయపురిసౌత్, మే 21: నాగార్జునసాగర్ జలాశయం నుండి ప్రధాన జల విద్యుత్ కేంద్రం ద్వారా కృష్ణా డెల్టాకు విడుదలవుతున్న నీటిని శనివారం సాగర్ ప్రాజెక్టు అధికారులు పూర్తిగా నిలిపివేశారు. కృష్ణా డెల్టా ప్రాంతంలో మంచినీటి ఎద్దడి తీవ్రంగా ఉండడంతో అధికారులు, ప్రజా ప్రతినిధులు కృష్ణా రివర్ బోర్డుకు విన్నవించుకున్నారు.